‘శ్రీమంతుడు’: యూఎస్ఏలో మూడ్రోజుల్లో 2 మిలియన్ డాలర్స్

By Bojja Kumar

Updated: Monday, August 10, 2015, 13:01 [IST]

హైదరాబాద్: మహేష్ బాబు శ్రీమంతుడు మూవీ విడుదల రోజే పాజిటివ్ రిపోర్ట్ రావడంతో బాక్సాఫీసు వద్ద కలెక్షన్ల వర్షం కురిపిస్తోంది. ఓవర్సీస్ మార్కెట్లో అత్యంత ఎక్కువ మార్కెట్ కలిగిన మహేష్ బాబు ఈ చిత్రంతో యూఎస్ఏ బాక్సాఫీసు వద్ద సరికొత్త రికార్డులను నమోదు చేస్తున్నారు. ఓపెనింగ్ వీకెండ్ ఈ చిత్రం ఏకంగా 2 మిలియన్ డాలర్ల మార్కును క్రాస్ చేసింది.

ఓవర్సీస్ మార్కెట్లో మహేష్ బాబుకు కలెక్షన్ల కింగ్ అనే పేరుంది. ఇప్పటి వరకు యూఎస్ఏలో టాప్ 10 కలెక్షన్లు సాధించిన చిత్రాల్లో మహేష్ బాబు సినిమాలు 4 ఉండటం గమనార్హం. తన సత్తా ఏమిటో మహేష్ బాబు మరోసారి ‘శ్రీమంతుడు' సినిమాతో నిరూపించాడు.

ఇటీవల విడుదలైన ‘బాహుబలి' సినిమా అన్ని రికార్డులను తుడిచి పెట్టేసింది. ఇకపై ఎవరూ ‘బాహుబలి' రికార్డులను అందుకునే అవకాశమే లేదు అనే రేంజిలో వసూళ్లు సాధించింది. అయితే బాహుబలి రికార్డులను మినహా ఇతర సినిమాల రికార్డులన్నింటికీ అధిగమిస్తూ ‘శ్రీమంతుడు' దూసుకెలుతోంది.

‘బాహుబలి' సినిమా తర్వాత యూఎస్ఏ మార్కెట్లో 2 మిలియన్ డాలర్ల మార్కును అందుకున్న సినిమా కేవలం ‘శ్రీమంతుడు' మాత్రమే కావడం గమనార్హం. ఇటీవల కాలంలో అమెరికాలో అత్యధిక వసూళ్లు సాధించిన సినిమాల వివరాలు స్లైడ్ షోలో...