‘శ్రీమంతుడు’...ఆడియన్స్ పాజిటివ్, నెగెటివ్ రెస్పాన్స్

హైదరాబాద్: తెలుగు సినీ ప్రేక్షకులు గత కొంత కాలంగా ఆసక్తిగా ఎదురు చూస్తున్న మహేష్ బాబు సినిమా ‘శ్రీమంతుడు' నేడు థియేటర్లలో గ్రాండ్ గా రిలీజైంది. తెల్లవారుఝాము నుండే వివిధ ప్రాంతాల్లో బెనిఫిట్ షోలు ప్రారంభం అయ్యాయి. పాజిటివ్ రివ్యూలు రావడంతో పాటు... మౌత్ టాక్ కూడా సినిమా బావుందని వినిపిస్తోంది.

తెలుగు రాష్ట్రాలోని అభిమానులు, సినిమా ప్రేమికులు తెల్లవారుజామన 4 గంటల తర్వాత ప్రారంభమైన బెనిఫిట్ షోలకు హాజరు కాగా, ఓవర్సీస్ మార్కెట్లయి యూఎస్, కెనడా, యూకె తదితర ప్రాంతాల్లో ప్రీమియర్ షోలకు ఫ్యాన్స్ భారీగా సంఖ్యలో హాజరయ్యారు. సినిమా ప్రారంభం అయినప్పటి నుండే ట్విట్టర్, ఫేస్ బుక్ లాంటి సోషల్ నెట్వర్కింగ్ సైట్ల ద్వారా సినిమాపై తమ అభిప్రాయాలు వెల్లడించడం మొదలు పెట్టారు.

సినిమాపై కొందరు పాజిటివ్ గా స్పందించగా, మరికొందరు నెగెటివ్ గా స్పందించారు. హీరో ఎలివేషన్ సీన్స్, మెయిన్ స్టోరీ సినిమాను పైకి తీసుకెళ్లాయని, అయితే కామెడీ లేక పోవడం కాస్త అసంతృప్తిని ఇచ్చిందని అంటున్నారు. అయితే సినిమా ప్రేక్షకులకు తప్పుకుండా నచ్చుతుందని ఎక్కువ మంది నుండి వినిపిస్తున్న మాట. స్లైడ్ షోలో అభిమానులు, సినీ ప్రేమికుల స్పందన...