పూరి ‘బిజినెస్’ పక్కకు నెట్టి '100% లవ్’ డైరెక్టర్ తో మహేష్...?

ఇటీవల వచ్చిన '100% లవ్' సినిమా సాధించిన సక్సెస్ తో దర్శకుడు సుకుమార్ ఒక్కసారిగా మంచి డిమాడ్ లోకి వచ్చేశాడు. యంగ్ హీరోలతో బాటు మిడిల్ ఏజ్డ్ హీరోలు కూడా అతని దర్శకత్వంలో నటించడానికి ఆసక్తి చూపిస్తున్నారు. ఈ నేపథ్యంలో, గతంలోనే కమిట్ అయిన మహేష్ బాబు ప్రాజక్టునే సుకుమార్ ముందుగా చేబట్టనున్నట్టు వార్తలొస్తున్నాయి. ఈ చిత్రానికి సంబంధించిన స్క్రిప్ట్ వర్క్ కూడా పూర్తయినట్టు, మహేష్ బాబు గ్రీన్ సిగ్నల్ కోసం వెయిట్ చేస్తున్నట్టు తెలుస్తోంది.

ప్రస్తుతం శ్రీనువైట్ల దర్శకత్వంలో తాను చేస్తున్న 'దూకుడు' సినిమా పూర్తవగానే మహేష్ బాబు ఈ చిత్రంలోనే నటించనున్నట్టు చెబుతున్నారు. ఎందుకంటే, దర్శకుడిగా సుకుమార్ సక్సెస్ లో వుండడం ప్రాజక్టుకి హెల్ప్ అవుతుందని మహేష్ ఆలోచిస్తున్నాడట. అందుకని పూరీ జగన్నాథ్ రూపొందించే 'బిజినెస్ మేన్' సినిమా కాస్త వెనక్కి వెళ్లి, ఇది ముందుకు వస్తుందని అంటున్నారు.