ర‌వితేజ, అనిల్ రావిపూడి, దిల్ రాజు చిత్రం రాజా ది గ్రేట్‌ ప్రారంభం (ఫోటోస్)

ర‌వితేజతో భ‌ద్ర సినిమా త‌ర్వాత చేస్తున్న సినిమా

ఈ సంద‌ర్భంగా నిర్మాత దిల్‌రాజు మాట్లాడుతూ - ``ర‌వితేజతో భ‌ద్ర సినిమా త‌ర్వాత చేస్తున్న సినిమా రాజాది గ్రేట్‌. అలాగే డైరెక్ట‌ర్ అనిల్ రావిపూడితో సుప్రీమ్ త‌ర్వాత చేస్తున్న సినిమా ఇది. ఈ రెండు సినిమాల‌ను దాటి ఈ సినిమా పెద్ద బ్లాక్‌బ‌స్ట‌ర్ అవుతుంది`` అన్నారు.

ఇప్ప‌టి వ‌ర‌కు ర‌వితేజగారు చేయ‌ని విల‌క్ష‌ణ‌మైన పాత్ర‌లో

ద‌ర్శ‌కుడు అనిల్ రావిపూడి మాట్లాడుతూ - ``ర‌వితేజ‌గారితో చేస్తున్న డిప‌రెంట్ కాన్సెప్ట్ మూవీ. ఇప్ప‌టి వ‌ర‌కు ర‌వితేజగారు చేయ‌ని విల‌క్ష‌ణ‌మైన పాత్ర‌లో క‌న‌ప‌డ‌తారు అని దిల్ రాజు వెల్లడించారు.

అవుటండ్ అవుట్ ఎంట‌ర్‌టైన‌ర్‌గా

అలాగే దిల్‌రాజుగారి బ్యాన‌ర్‌లో రెండో సినిమా చేయ‌డం ఆనందంగా ఉంది. ర‌వితేజ‌గారి అభిమానుల‌కు, ప్రేక్ష‌కుల‌కు న‌చ్చేలా సినిమాను అవుటండ్ అవుట్ ఎంట‌ర్‌టైన‌ర్‌గా రూపొందిస్తాం. త్వ‌ర‌లోనే సినిమాకు సంబంధించిన ఇత‌ర న‌టీన‌టులు, టెక్నిషియ‌న్స్ వివ‌రాల‌ను తెలియజేస్తామని దర్శకుడు తెలిపారు.

రాజా ది గ్రేట్

రవితేజ, మెహరీన్ కౌర్ హీరో హీరోయిన్లుగా నటిస్తున్న ఈ చిత్రానికి స‌మ‌ర్ప‌ణః దిల్ రాజు, నిర్మాతః శిరీష్‌, క‌థ‌, మాట‌లు, స్క్రీన్‌ప్లే, ద‌ర్శ‌క‌త్వంః అనిల్ రావిపూడి.

వరుస సినిమాలు

గత సంవత్సరం అసలు సినిమాలేవీ చేయకుండా గ్యాప్ తీసుకున్న రవితేజ ఇపుడు వరుస సినిమాలకు కమిట్ అవుతుండటం విశేషం. ఏది ఏమైనా రవితేజ వరుస సినిమాలకు కమిట్ అవ్వడంపై అభిమానులు ఆనందం వ్యక్తం చేస్తున్నారు.

రవితేజ మరో మూవీ టచ్ చేసి చూడు

ప్రస్తుతం రవితేజ బేబీ భవ్య సమర్పణలో లక్ష్మీ నరసింహ ప్రొడక్షన్స్ పతాకంపై నల్లమలుపు శ్రీనివాస్ (బుజ్జి) , వల్లభనేని వంశీ నిర్మిస్తున్న ‘టచ్ చేసి చూడు' అనే సినిమాలో నటిస్తున్నారు. ఈ చత్రం ద్వారా విక్రమ్ సిరికొండ దర్శకునిగా పరిచయవుతున్నారు.