‘మామ్’ తర్వాత శ్రీదేవి మరో సంచలనం...!

అవే పాత్రల్లో అనిల్, శ్రీదేవి

త్వరలో ‘మిస్టర్ ఇండియా-2' చిత్రాన్ని తెరకెక్కించేందుకు ప్లాన్ చేస్తున్నారని... ఇందులో శ్రీదేవి, అనిల్ కపూర్ అదే పాత్రల్లో నటించబోతున్నారని తెలుస్తోంది.

హర్షవర్దన్ కపూర్

అనిల్ కపూర్ కుమారుడు హర్షవర్ధన్ కపూర్‘మీర్జా' సినిమా ద్వారా హీరోగా బాలీవుడ్ ఎంట్రీ ఇచ్చాడు. అయితే ఈ సినిమా బాక్సాఫీసు వద్ద బోల్తా పడింది. కుమారుడికి మంచి కమర్షియల్ హిట్ ఇవ్వాలనే ఉద్దేశ్యంలో ‘మిస్టర్ ఇండియా-2' చిత్రాన్ని హర్షవర్దన్‌ హీరోగా ప్లాన్ చేస్తున్నాడట అనిల్ కపూర్.

దర్శకుడు ఎవరు?

మిస్టర్ ఇండియా చిత్రానికి దర్శకత్వం వహించిన శేఖర్ కపూర్... సీక్వెల్‌కు దర్శకత్వం వహించేందకు నిరాకరించినట్లు సమాచారం. దీంతో వేరొకరితో ఈ సినిమా చేయించడానికి ప్రయత్నాలు చేస్తున్నారు. ‘బాగ్ మిల్ఖా బాగ్' డైరెక్టర్ రాకేష్ ఓం ప్రకాష్ మెహ్రా లేదా ‘మామ్' దర్శకుడు రవి ఉడియార్ చేతికి ‘మిస్టర్ ఇండియా-2' ప్రాజెక్టు వెళ్లే అవకాశం ఉందని తెలుస్తోంది.

త్వరలో మరిన్ని వివరాలు

‘మిస్టర్ ఇండియా-2' చిత్రం ప్రస్తుతానికి చర్చల దశలోనే ఉంది. త్వరలో ఈ ప్రాజెక్టుకు సంబంధించి మరిన్ని విషయాలు వెల్లడి కానున్నాయి. ఈ చిత్రాన్ని బోనీ కపూర్ నిర్మించబోతున్నట్లు సమాచారం.