బాహుబలి ప్రీక్వెల్ ‘రైజ్ ఆఫ్ శివగామి’: శివగామి పాత్రలో ఎవరో తేలిపోయింది!

‘ది రైజ్ ఆఫ్ శివగామి'

‘ది రైజ్ ఆఫ్ శివగామి' పేరుతో ఈ ప్రీక్వెల్ రూపొందబోతోంది. అయితే అరమేంద్ర బాహుబలి పుట్టుక ముందు జరిగిన కథ ఏమిటి? మాహిష్మతి రాజ్యం అంత బలమైన రాజ్యంగా ఎలా ఎదిగింది? శివగామిదేవి ఎక్కడ పుట్టింది? ఎలా ఈ రాజ్యానికి కోడలిగా వచ్చింది. అంత పెద్ద రాజ్యాన్ని తన కను సైగతో ఎలా కంట్రోల్ చేసింది అనే కథతో... ఈ వెబ్ సిరీస్ రాబోతోంది.

శివగామి పాత్రకు ఆ టీవీ నటి ఖరారు

తాజాగా అందుతున్న సమాచారం ప్రకారం.... ఇందులో శివగామి పాత్రకు ప్రముఖ హిందీ టీవీ నటి మృణాళి ఠాకూర్ ఎంపికైనట్లు తెలుస్తోంది. ఈ పాత్ర కోసం ఆమె స్పెషల్ యాక్టింగ్ వర్క్ షాపులో పాల్గొంటున్నట్లు తెలుస్తోంది. త్వరలోనే ఈ విషయమై అఫీషియల్ ప్రకటన వెలువడనుంది.

దేవాకట్ట, ప్రవీణ్ సత్తారు దర్శకత్వం

‘ది రైజ్ ఆఫ్ శివగామి' వెబ్ సిరీస్‌కు తెలుగు డైరెక్టర్స్ దేవాకట్ట, ప్రవీణ్ సత్తారు దర్శకత్వం వహించబోతున్నారు. రెండు సీజన్లు, మొత్తం 9 ఎపిసోడ్లుగా ఈ సిరీస్ రాబోతోందని తెలుస్తోంది. ప్రస్తుతం ప్రీ ప్రొడక్షన్ పనులు కూడా మొదలయ్యాయి.

ఆ పుస్తకం ఆధారంగానే

ఆనంద్ నీలకంఠన్ రాసిన ‘ది రైజ్ ఆఫ్ శివగామి' పుస్తకం ఆధారంగా ఈ వెబ్ సిరీస్ తెరకెక్కబోతోంది. రాజమౌళితో పాటు ఆర్కా మీడియా ఈ ప్రాజెక్టులో భాగం కాబోతున్నారు. వీరితో పాటు ఈ సినిమాకు పని చేసిన టెక్నీషియన్లు కూడా ఈ ప్రీక్వెల్‌కు పని చేస్తారని తెలుస్తోంది.