సోనాక్షితో మురుగదాస్ సినిమా, ఆమె తండ్రి కూడా...

హైదరాబాద్: ప్రముఖ తమిళ దర్శకుడు ఏఆర్.మురుగదాస్ త్వరలో హిందీ సినిమా చేయబోతున్నారు. యాక్షన్ థ్రిల్లర్‌గా తెరకెక్కబోయే ఈ చిత్రంలో సోనాక్షి సిన్హా హీరోయిన్.

ఈ వారంలోనే ఈచిత్రం ప్రారంభం కాబోతోంది. ఈ చిత్రంలో సోనాక్షి తండ్రి శతృజ్ఞ సిన్హా ముఖ్యమైన పాత్రలో నటించబోతున్నారు.

‘ఈ సినిమా మార్చి 14న ప్రారంభం కాబోతోంది. ఈ సినిమాలో సోనాక్షి ఫాదర్ కూడా నటిస్తున్నారు. ఆయన చేస్తున్న పాత్ర చిన్నదే అయినా సినిమాకు ఎంతో ముఖ్యమైన పాత్ర' అని ఆ చిత్రానికి సంబంధించిన యూనిట్ సభ్యులు వెల్లడించారు.

ఈ చిత్రాన్ని ఫాక్స్ స్టార్ స్టూడియో నిర్మిస్తోంది. తమిళంలో సూపర్ హిట్టయిన ‘మౌనగురు' చిత్రానికి ఇది రీమేక్. పూర్తి వివరాలు తెలియాల్సి ఉంది.