ఒక్కో వాక్యం ఒక్కో బాంబు: టాలీవుడ్ సెలబ్రెటీలు, వివాదాస్పద ట్వీట్స్

By Srikanya

Updated: Saturday, March 12, 2016, 16:05 [IST]

హైదరాబాద్ : ఈ రోజున సోషల్ మీడియా, ముఖ్యంగా ట్విట్టర్ ప్లే చేసే రోల్ చెప్పక్కర్లేదు. సెలబ్రెటీలకు ట్విట్టర్ అనేది తమ భావాలను, తమ అనుభవాలను అభిమానులతో పంచుకోవటానికి, తమ సినిమాలు ప్రమోషన్స్ చేసుకోవటానికి అత్యవసరం అయ్యింది.

సినిమా టీమ్ లో ఒక్కరైనా ఈ ప్రమోషన్ వర్క్ ని తమపై వేసుకుని ట్వీట్స్ చేస్తున్నారు. బాలీవుడ్ స్టార్స్ తో మొదలైన ఈ సంప్రదాయం టాలీవుడ్ కు పాకింది. ఇక్కడ వారు విచ్చలవిడిగా ట్విట్టర్ ని వాడుతున్నారు. ఫ్యాన్స్ కు అప్ డేట్స్ ఇస్తున్నారు.

అయితే వారుఒక్కోసారి కొన్ని ఇష్యూలపై సీరియస్ అవుతున్నారు. ట్వీట్టర్ లో సహనం కోల్పోయి కోప్పడుతున్నారు. వివాదాస్పద వ్యాఖ్యలు చేస్తున్నారు. అలాంటి ఓ ఇష్యూలో ..అప్పట్లో రామ్ చరణ్ కొంతకాలం పాటు ట్విట్టర్ కు దూరంగా కూడా ఉన్నారు.

అప్పట్లో ఆయన "కొంతమంది గొప్ప డైరక్టర్స్ కేవలం స్టేజీమద లెక్చర్స్, స్పీచ్ లకు పరిమితం అవుతున్నారు, వాళ్లు నోరుతప్ప ఏమీ కదపకపోవటం బాధాకరం ", అంటూ ఆయన చేసిన ట్వీట్ సంచలనం సృష్టించింది. తర్వాత దాన్ని ఆయన తొలిగించారనుకోండి.

సునీల్, రామజోగయ్య శాస్త్రి, భాస్కరభట్ల వంటివారు ట్వీట్స్ కూడా వేరే రకాలుగా అర్దం చేసుకుని వివాదాలకు కేంద్రమయ్యాయి. అలాంటప్పుడు వారు మనస్తాపం చెంది ట్విట్టర్ కు దూరంగా కూడా ఉన్నారు.

అలా ఈ మధ్యకాలంలో వివాదాస్పదమైన ట్వీట్స్ ని ఈ క్రింద చూడండి.