నిహారికతో ఎఫైర్?.. మేటర్ పెళ్లిదాకా?..: నాగశౌర్య ఫుల్ క్టారిటీ ఇచ్చేశాడు..

ఎఫైర్స్ గురించి:

నా సినిమాల్లో చేసిన హీరోయిన్లతో ముడిపెట్టేస్తున్నారు. వాళ్లతో నా పెళ్లంటూ పుకార్లు షికారు చేస్తున్నాయి. అయితే వాటిల్లో ఏమాత్రం నిజం లేదు. అన్నీ పక్కా అబద్దాలే.

నిహారికతో పెళ్లిపై..:

నిహారికతో నా పెళ్లంటూ జరుగుతున్న ప్రచారం నా ఫ్రెండ్స్ ద్వారా తెలిసింది. రాత్రి కూడా నాకు కొన్ని కాల్స్ వచ్చాయి. నేను షాక్ అయ్యాను. కానీ మా మధ్య ఎటువంటి సంబంధం లేదు. నిహారిక మాత్రమే కాదు.. ఏ హీరోయిన్ తోనూ నాకెలాంటి ఎఫైర్ లేదు.

నిహారికతో ఎఫైర్ ప్రచారం వెనుక..:

నిహారిక-నాగశౌర్య కలిసి 'ఒక మనసు' సినిమాలో నటించిన సంగతి తెలిసిందే. ఇటీవల నాగశౌర్య 'ఛలో' ప్రీ-రిలీజ్ ఈవెంట్ వేడుకకు కూడా చిరంజీవి హాజరయ్యారు. నిహారిక-నాగశౌర్య మధ్య రెండేళ్లుగా ప్రేమాయణం కొనసాగుతోందని, ఇరు కుటుంబాల పెద్దలు ఈ జంటపై పాజిటివ్ గానే ఉన్నారని, అందుకే చిరంజీవి 'ఛలో' ప్రీరిలీజ్ వేడుకకు వచ్చి మరీ నాగశౌర్యను అంతలా పొగిడేశారన్న ప్రచారం జరుగుతోంది.

నాకు సిగ్గెక్కువ..:

సాధారణంగా అమ్మాయిలతో మాట్లాడడానికే నేను సిగ్గు పడతాను. ఎక్కువగా ఇంట్లోనే గడుపుతాను. బయటకు వెళ్లేది కూడా తక్కువే. అసలు సెల్ ఫోన్ కూడా వాడను. నా ప్రెండ్సే నా సెల్ ఫోన్. వాళ్ల ద్వారానే అన్నీ తెలుస్తుంటాయి. కెరీర్ ఆరంభంలో ఈ పుకార్లు బాధించేవి. ఇప్పుడైతే పట్టించుకోవడం మానేశాను.

నాలుగేళ్ల తర్వాతే పెళ్లి..:

నా జీవితంలో ఇప్పటికైతే ఎవరినీ ప్రేమించలేదు. ప్రేమిస్తే మాత్రం పెద్దలతో మాట్లాడే పెళ్లి చేసుకుంటాను. ఒకవేళ పెద్దలు కుదిర్చిన పెళ్లి చేసుకుంటే.. పెళ్లయ్యాక ప్రేమిస్తాను. ఈ తిరకాసంతా ఎందుకులెండి.. మా అమ్మ చూసిన అమ్మాయినే పెళ్లి చేసుకుంటాను. అది కూడా నాలుగేళ్ల తర్వాతే.

'ఛలో' కథ..:

ఆంధ్ర, తమిళనాడు రాష్ట్రాల సరిహద్దుల్లోని ఓ ఊరికి సంబంధించిన కథ ఇది. తన ప్రేమ కోసం ఆ ఊరికి వెళ్లిన హీరో.. అక్కడి గొడవల్లో అనుకోకుండా తలదూరుస్తాడు. ఆపై ఆ రెండు ఊళ్లను ఎలా కలిపాడనేది తెరపై చూడాల్సిందే. క్లైమాక్స్ సన్నివేశాలు ఇప్పటివరకు తెరపై చూడనివిధంగా సరికొత్తగా ఉంటాయి. దర్శకుడు వెంకీ కుడుముల అంత బాగా తెరకెక్కించాడు.

టైటిల్ 'రాంచరణ్'దే..:

ఇక సినిమా టైటిల్ గురించి చెబుతూ.. రాంచరణ్ నటించిన 'బ్రూస్ లీ' సినిమాలో 'లే ఛలో' అనే పాట నుంచి టైటిల్ తీసుకున్నట్లు నాగశౌర్య చెప్పాడు. ఈ కథకు 'ఛలో' అనే టైటిల్ బాగా సెట్ అయింది. సినిమా చూసి.. బాగా చేశావని అమ్మ కూడా మెచ్చుకుంది.