Don't Miss!
- Automobiles 2024 Jeep Wrangler Facelift Review Video జీప్ రాంగ్లర్ ఫేస్లిఫ్ట్ ఆఫ్రోడర్ ఫుల్ రివ్యూ వీడియో
- Finance ITC: ఐటీసీ ఇన్వెస్టర్లకు శుభవార్త.. !
- News ఓటు వెయ్యకపోయినా పర్వాలేదు, నా అంత్యక్రియలకు రండి, ప్రధాని అభ్యర్థి, మోదీని టార్గెట్ చేసి !
- Sports చరిత్ర సృష్టించిన అక్షర్ & పంత్ క్రేజీ రికార్డు
- Lifestyle చింత చిగురు పప్పు: నోట్లో నీళ్ళు ఊరాల్సిందే.. వాసనకు కడుపు నిండాల్సిందే..
- Technology ఆపిల్ తరహా డిజైన్తో నాయిస్ స్మార్ట్వాచ్.. 1.85 అంగుళాల డిస్ప్లే, 7 రోజుల బ్యాటరీ లైఫ్తో విడుదల
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
దటీజ్ బాలకృష్ణ.. సింగిల్ టేక్లో దానవీరశూరకర్ణ డైలాగ్.. ఎన్టీఆర్ను మరిపించేలా..
విశ్వ విఖ్యాత నట సార్వభౌమ, స్వర్గీయ నందమూరి తారకరామారావు జీవితకథ ఆధారంగా తెరకెక్కనున్న 'ఎన్టీఆర్' చిత్రం షూటింగ్ గురువారం ఉదయం అట్టహాసంగా మొదలైంది. హైదరాబాద్ నాచారంలోని రామకృష్ణా హార్టీకల్చరల్ సినీ స్టూడియోస్లో యన్టిఆర్ బయోపిక్ ప్రారంభోత్సవ వేడుకకు భారత ఉపరాష్ట్రపతి ఎం వెంకయ్య నాయుడు ముఖ్య అతిథిగా హాజరయ్యారు.
Recommended Video
ఈ కార్యక్రమంలో మంత్రి తలసాని శ్రీనివాసయాదవ్, రాఘవేంద్రరావు, పూరీ జగన్నాథ్, బోయపాటి శ్రీను, ఎస్వీ కృష్ణారెడ్డి, ఎస్ గోపాల్, జీవితా రాజశేఖర్, జమున తదితరులు హాజరయ్యారు. ముహుర్తం షాట్ సందర్భంగా బాలయ్య చెప్పిన డైలాగ్స్ సినీ వర్గాల్లో చర్చనీయాంశమైంది.
దానవీరశూర కర్ణ చిత్రంలోని
నందమూరి నటసింహం బాలకృష్ణ ధరించిన ధుర్కోధనుడి పాత్రపై తమిళనాడు మాజీ ముఖ్యమంత్రి ఎంజీఆర్ క్లాప్ కొట్టిన సీన్ను తొలి సన్నివేశంగా చిత్రీకరించారు. గతంలో దానవీరశూర కర్ణ చిత్రం షూటింగ్ ప్రారంభోత్సవంలో జరిగిన సన్నివేశాన్ని ఎన్టీఆర్ బయోపిక్కు ఉపయోగించుకోవడం గమనార్హం.
ఎంజీఆర్ ప్రత్యేక అతిథిగా
స్వర్గీయ ఎన్టీఆర్ తన దానవీర శూర కర్ణ చిత్రాన్ని నాచారంలోని రామకృష్ణా హార్టీ కల్చరల్ సినీ స్టూడియోస్లో ప్రారంభమైన సంగతి తెలిసిందే. ఆ సందర్భంగా ఎంజీఆర్ ప్రత్యేక అతిథిగా హాజరయ్యారు. ఎన్టీఆర్ బయోపిక్లోని అదే సీన్పై ఉపరాష్ట్రపతి ఎం వెంకయ్యనాయుడు క్లాప్ కొట్టగా ఈ చిత్రం ప్రారంభమైంది.
బాలకృష్ణ సింగిల్ టేక్లో
దాన వీర శూర కర్ణ చిత్రంలోని ఎన్టీఆర్ చెప్పిన ఏమంటి వేమంటివి అనే డైలాగ్ను బాలకృష్ణ సింగిల్ టేక్లో ఓకే చేయడం విశేషం. బాలకృష్ణ ఏకధాటిగా ఎలాంటి తటపటాయింపు లేకుండా డైలాగ్ పూర్తి చేయడంతో ఉపరాష్ట్రపతి వెంకయ్యనాయుడు, దర్శకులు రాఘవేంద్రరావు, ఇతర సినీ, రాజకీయ ప్రముఖులు అభినందించారు.
ధుర్యోధనుడి వేషధారణలో
ఎన్టీఆర్ మాదిరిగానే బాలకృష్ణ డైలాగ్స్ చెప్పడంతో సినీ ప్రముఖులు ఆశ్చర్యంలో మునిగిపోయారు. ధుర్యోధనుడి వేషధారణలో ఎన్టీఆర్ను గుర్తు తెచ్చారని పలువురు పేర్కొనడం విశేషం. అలాగే దానవీరశూరకర్ణ చిత్రంలో ఎన్టీఆర్ చెప్పిన మాదిరిగానే, అవే హావభావాలతో, ఒకే టైమింగ్తో బాలకృష్ణ డైలాగ్ చెప్పడం అభిమానులను ఆనందపరిచింది.
ఎంజీఆర్ పాత్ర ధరించిన వ్యక్తి
ఇదిలా ఉండగా, ముహుర్తం షాట్లో ఎంజీఆర్ పాత్ర ధరించిన వ్యక్తి ఎవరనే చర్చ మొదలైంది. అయితే అతడు తమిళనాడులో అన్నాడిఎంకే పార్టీ తరఫున ఎంజీఆర్ గెటప్లో ప్రచారం చేసే వ్యక్తి అని తెలిసింది. అచ్చం ఎంజీఆర్ మాదిరిగా ఉండే వ్యక్తిని ప్రత్యేకంగా తొలిషాట్ కోసం చిత్ర యూనిట్ హైదరాబాద్కు రప్పించింది.