‘నాన్నకు ప్రేమతో’ ఆడియో రిలీజ్ పోస్టర్ ఇదే...

హైదరాబాద్: యంగ్ టైగన్ జూ ఎన్టీఆర్ నటించిన ‘నాన్నకు ప్రేమతో' ఆడియో ఈ నెల 27న విడుదలవుతోంది. తాజాగా ఆడియో రిలీజ్ డేట్ కు సంబంధించి పోస్టర్ రిలీజ్ చేసారు. ఆడియో వేడుక గ్రాండ్ గా జరిపేందుకు ప్లాన్ చేస్తున్నారు.

సంక్రాంతి బరి నుండి ఔట్?
‘నాన్నకు ప్రేమతో' మూవీ సంక్రాంతి బరి నుండి తప్పుకుంది. ఈ విషయాన్ని ఇంకా చిత్ర యూనిట్ సభ్యులు అఫీషియల్ గా ప్రకటించక పోయినప్పటీకీ ట్రేడ్ వర్గాలు మాత్రం ఈ విషయాన్ని ధృవీకరిస్తున్నారు. సినిమాకు సంబంధించిన కొంత వర్క్ పెండింగు ఉండటం వల్లనే వాయిదా వేసినట్లు సమాచారం. సంక్రాంతి తర్వాత అంటే జనవరి చివరి వారంలోగానీ, ఫిబ్రవరి మొదటి వారంలో గానీ సినిమా విడుదలయ్యే అవకాశం ఉందని అంటున్నారు.

ఎన్టీఆర్‌ సరసన రకుల్‌ ప్రీత్‌ సింగ్‌ హీరోయిన్‌గా నటిస్తోన్న ఈ భారీ చిత్రంలో జగపతిబాబు, రాజేంద్రప్రసాద్‌, రాజీవ్‌ కనకాల, అవసరాల శ్రీనివాస్‌, సితార, అమిత్‌, తాగుబోతు రమేష్‌, గిరి, నవీన్‌ తదితరులు నటిస్తున్నారు. ఈ చిత్రానికి సంగీతం: దేవిశ్రీప్రసాద్‌, ఫోటోగ్రఫీ: విజయ్‌ చక్రవర్తి, ఆర్ట్‌: రవీందర్‌, ఫైట్స్‌: పీటర్‌ హెయిన్స్‌, ఎడిటింగ్‌: నవీన్‌ నూలి, పాటలు: చంద్రబోస్‌, డాన్స్‌: రాజు సుందరం, శేఖర్‌, ఎగ్జిక్యూటివ్‌ ప్రొడ్యూసర్‌: సుధీర్‌, నిర్మాత: బి.వి.ఎస్‌.ఎన్‌.ప్రసాద్‌, కథ, స్క్రీన్‌ప్లే, దర్శకత్వం: సుకుమార్‌.