ప్రేమ కోసం ఏం చేయడానికైనా సిద్ధపడ్డా... (నయనతార అంతరంగం)

విడిపోవడమే మంచింది..

ప్రేమలో ఉన్న ఇద్దరి మధ్య ఒక్కరి నుంచి సమస్య తలెత్తినా ఇద్దరికీ ఇబ్బందే. చిన్నచిన్న అపార్థాలూ, మనస్పర్థలను ఒక దశ వరకూ భరించొచ్చు. కానీ అవి భరించలేనంతగా ఉంటే విడిపోవడమే మంచింది అన్నారు నయనతార.

నాకూ అలాంటి అనుభవం

ప్రేమలో ఉన్నపుడు నాకు అలాంటి అనుభవమే ఎదురైతే విడిపోవాలని నిర్ణయించుకున్నాను అని ననయనతార తెలిపారు.

అన్నీ వదులుకోవడానికి సిద్దపడ్డా

ఓ దశలో పెళ్లి చేసుకుని సినిమాలకు దూరమవుదామనుకున్నా. ప్రేమ కోసం నేను ఏం చేయడానికైనా సిద్ధమేనన్న విషయం అవతలి వ్యక్తికి తెలియజేయాలని ఆ నిర్ణయం తీసుకున్నా అని నయనతార తెలిపారు.

భావోద్వేగాలు

సామాన్యులైనా, సెలెబ్రిటీలైనా భావోద్వేగాలనేవి అందరికీ ఒకలానే ఉంటాయి. కానీ దాన్నుంచి బయటపడటానికి నాకు సినిమాలనే చక్కటి ప్రత్యామ్నయం దొరికిందని నయనతార తెలిపారు.

డబ్బు కోసం చేయను

నా మనసుకు నచ్చితే ఏ పనైనా చేస్తా...కేవలం డబ్బు కోసం మాత్రం ఏ పనీ చేయను. తమిళంలో ‘బిల్లా' సినిమా కోసం బికినీ వేసుకున్నా. కానీ తెలుగులో ఆ సన్నివేశం మళ్లీ చేయడం ఇష్టంలేక సినిమాని వదులుకున్నా అని నయనతార తెలిపారు.

మగాళ్లలో నచ్చేది

నిజాయతీగా ఉండే మగవాళ్లను ఎవరైనా ఇష్టపడతారు. అది చాలా చిన్న లక్షణంలానే అనిపించినా అతి ఉంటేనే బంధాలు బావుంటాయి అన్నారు.

గ్లామర్

గ్లామర్‌ అనేది దుస్తుల్లోనో, మేకప్‌లోనో కాదు, వ్యక్తిత్వంలో ఉంటుంది. నేను సినిమాల్లో బికినీల కంటే చీరల్లో, తక్కువ మేకప్‌తో నటించిన పాత్రల్లోనే ఎక్కువ అందంగా ఉన్నాననిపిస్తుందని తెలిపారు.

సోషల్ మీడియాలో లేను

ఫేస్‌బుక్‌ ట్విటర్‌ లాంటి వాటిలో ఎలాంటి ఖాతాలూ లేవు. నాకు ఇబ్బంది కలగనంత వరకు అభిమానులు నాపేరుతో నిర్వహిస్తున్న ఖాతాలు ఓకే.

భవిష్యత్తులో పెళ్లి?

నా జీవితం నేను అనుకున్నట్లుగా ఎప్పుడూ జరుగలేదు. అందుకే భవిష్యత్తు గురించి ఆలోచించడం లేదు అంత సమయం కూడా లేదు. ప్రస్తుతం సినిమాల్లో బిజీగా ఉన్నాను అన్నారు నయనతార.