ఈ ఖైదీ కి నంబర్ లేదట... నితిన్ ఇలా జైలు యూనిఫారం లో

నితిన్‌ 14 రీల్స్‌ ఎంటర్‌టైన్‌మెంట్‌ పతాకంపై అందాల రాక్షసి , కృష్ణగాడి వీరప్రేమగాథ వంటి సూపర్‌హిట్‌ చిత్రాలు తెరకెక్కించిన హను రాఘవపూడి దర్శకత్వంలో ఓ చిత్రాన్ని చేస్తున్న సంగతి తెలిసిందే. రామ్‌ ఆచంట, గోపీచంద్‌ ఆచంట, అనీల్‌ సుంకర ప్రొడక్షన్‌ నెం.9గా నిర్మిస్తున్న కొత్త చిత్రం సెప్టెంబర్‌ 8న పూజా కార్యక్రమాలు జరుపుకుంది.

ఈ చిత్రం ప్రస్తుతం రెగ్యులర్ షూటింగ్ జరుపుకుంటుంది. హైదరాబాద్ లో కొన్ని షెడ్యూల్స్ జరుపుకుంటున్న ఈ చిత్రం ఆ తర్వాత యూఎస్ లోని అందమైన లొకేషన్స్ లో షూటింగ్ జరుపుకోనుంది. మే నెల వరకు ఈ చిత్రాన్ని పూర్తి చేసి ఆ తర్వాత పవన్ నిర్మాణంలో రూపొందనున్న సినిమాను చేయాలనే ఆలోచనలో ఉన్నాడు నితిన్.

ఈ సినిమా పేరు లై (LIE). లైఫ్ ఈజ్ ఎండ్లెస్ అనే కాన్సెప్టుతో రూపొందుతోంది. ఈ సినిమాలో ఒక సీన్లో నితిన్ ఖైదీగా కూడా కనిపిస్తాడట. ఖైదీ డ్రెస్ లో వున్న నితిన్ .. శిథిలావస్థలో వున్న ఒక ఇంటి గుమ్మంలో నుంచి అవతలికి చూస్తున్నట్టుగా ఈ ఫోటో వుంది. ఈ ఫోటో ఈ సినిమా కథ .. కథనాలపై ఆసక్తిని పెంచుతోంది. అదే ఫోటోను ఇప్పుడు డిజైనర్ నీరజా కోన షేర్ చేసింది.

ఆ సందర్భంగా ఇతను ఖైదీ నెంబర్ లెస్ అంటూ సరదాగా కామెంట్ చేసింది కూడా. అయితే ఈ సినిమాలో నితిన్ అసలు ఖైదీగా ఎందుకు కనిపిస్తున్నాడు.. ఇది లవ్ స్టోరీయేనా లేకపోతే ఇంకేదైనా స్టోరీయా అంటూ అందరూ స్టన్ అయిపోతున్నారు. అయితే ప్రముఖ స్టైలిస్ట్ నీరజ కోన ఈ పిక్ షేర్ చేస్తూ ఖైదీ నెంబర్ లెస్ అనే కామెంట్ పెట్టింది. మెగాస్టార్ చిరంజీవి రీ ఎంట్రీ చిత్రం ఖైదీ నెం 150 కి సంబంధించి లీకైన తొలి ఫోటోలో చిరు ఖైదీ డ్రెస్ తో కనిపించిన సంగతి తెలిసిందే.