‘కథలో రాజకుమారి’ టాక్ దారుణంగా, హీరోలు కూడా దూరంగా....

ప్రమోషన్లకు దూరంగా హీరోలు

నారా రోహిత్, నాగ శౌర్య లాంటి హీరోలు తమ సినిమా విడుదలవుతుందంటే.... కనీసం వారం రోజుల ముందు నుండే ప్రమోషన్లలో బిజీ అయిపోతారు. టీవీ ఇంటర్వ్యూలు, పేపర్ ఇంటర్వ్యూలతో కాస్త హడావుడి చేస్తారు. అయితే ‘కథలో రాజకుమారి' సినిమా విషయంలో వారు ప్రమోషన్లకు పూర్తిగా దూరంగా ఉండటం గమనార్హం.

పూర్ రిలీజ్, తక్కువ షోస్

సినిమా వర్కౌట్ కాదని నిర్మాతలు ముందే ఊహించినట్లు ఉన్నారు.... సినిమా రిలీజ్ కూడా చాలా పూర్ గా ఉంది. హైదరాబాద్ ఏరియాలో ఈ సినిమా విడుదలైన పాతిక చోట్ల కూడా పూర్తి షోలు వేయడం లేదు. దాదాపు అన్ని చోట్ల రెండు షోలకు మించి పడలేదు.

టాక్ దారుణంగా

ఇక ఈ సినిమా చూడటానికి వెళ్లి కొద్దిమంది కూడా సినిమా చాలా బోరింగా ఉందనే అభిప్రాయాలు వ్యక్తం చేస్తున్నారు. అసలు ఇది సినిమాలా లేదని, టెలీ సీరియల్ కంటే దారుణంగా ఉందనే అభిప్రాయాలు సైతం వ్యక్తం అవుతున్నాయి.

సినిమా కథ

సినిమాల్లో విలన్ వేషాలు వేసే అర్జున్(నారా రోహిత్) సినిమాల్లోనే కాదు... నిజ జీవితంలోనూ విలన్ మనస్తత్తవం ఉన్న వ్యక్తి. అహంకారం, కోపంతో ఉండే అర్జున్ ఓ సంఘటనతో చాలా మారిపోతాడు. చివరకు తను నటించే సినిమాల్లో కూడా విలనిజాన్ని చూపించలేనంతగా మారిపోతాడు. ఏం చేయాలో అర్థంకాని పరిస్థితులలో ఉన్న అర్జున్‌కి ఓ వ్యక్తి సలహా ఇస్తాడు.. నీకు శత్రువుగా ఉన్న వ్యక్తి దగ్గర నీ క్రూరత్వం చూపించు అంటాడు. అలా అర్జున్ తన చిన్న నటి స్నేహితురాలు సీత (నమిత ప్రమోద్)ను తన శత్రువుగా ఎంచుకుంటాడు. ఆ తర్వాత ఏమైంది? అనేది మిగతా స్టోరీ. ఈ సినిమాలో నాగ శౌర్య కూడా హీరో పాత్రలోనే కనిపించాడు.

డైరెక్టర్ మీదే విమర్శలు

హీరో నారా రోహిత్, నాగ శౌర్యలతో పాటు నిర్మాతలను కథ చెప్పేటపుడు ఇంప్రెస్ చేసిన దర్శకుడు మహేష్ సూపరనేని.... సినిమాను ఆసక్తికరంగా తెరకెక్కించడంలో ఫెయిల్ అయ్యాడని టాక్. ఈ సినిమా ఫలితం ముందే ఊహించిన నారా రోహిత్, నాగ శౌర్య సినిమా ప్రమోషన్లకు కూడా దూరంగా ఉన్నారు.

సినిమా ఎవరికీ కనెక్ట్ అయ్యేలా లేదట

అసలు ఈ సినిమా ఏ వర్గం ఆడియన్స్‌కు కనెక్ట్ అయ్యేలా లేదని, కథ కాస్త డిఫరెంటుగా ఉన్నా సినిమా ప్రేక్షకరంజకంగా తెరకెక్కించడంలో దర్శకుడు ఫెయిల్ అయ్యాడని అంటున్నారు. నారా రోహిత్ తన కెరీర్లో చేసిన అతి పెద్ద మిస్టేక్ అని ఫీలయ్యే సినిమా ప్రమోషన్లకు దూరంగా ఉన్నారట.