అవును నిజమే ఆగలేకపోతోన్నా.. ఆయనతో ఎప్పుడెప్పుడా అని ఎదురుచూస్తున్నా.. మెగా డాటర్ కామెంట్స్

నాగబాబు కామెంట్స్..

ఆ మధ్య నాగబాబు మాట్లాడుతూ నిహారిక కెరీర్‌పై కామెంట్స్ చేశాడు. ఇక పెళ్లెప్పుడు, సినిమాల సంగతేంటని అడిగితే ఆశ్చర్యకరమైన సమాధానమిచ్చాడు. త్వరలోనే పెళ్లి చేయాలని అనుకుంటున్నామని, సినిమాలకు ఇక స్వస్తి చెబుతుందన్నట్టుగా చెప్పుకొచ్చాడు.

నిహారిక సైతం అదే..

నిహారిక కూడా అలాంటి ధోరణిలోనే సమాధానం ఇచ్చింది. పెళ్లయ్యాక సినిమాల్లో నటిస్తారా? అని అడిగితే.. తానెమీ సమంతను కాదని కౌంటర్ వేసింది. దీన్ని బట్టి చూస్తే పెళ్లయ్యాక సినిమాకు గుడ్ బై చెబుతుందని తెలుస్తోంది.

ఆ మధ్య చెన్నైలో..

నిహారిక ఆ మధ్య చెన్నైకి ఎక్కువగా వెళ్లి వస్తుండేది. అక్కడి స్నేహితులతో ఎంజాయ్ చేసిన ఫోటోలు, వీడియోలను షేర్ చేసేది. ఆ మధ్య ఇన్‌స్టాగ్రామ్ లైవ్‌లో మాట్లాడుతూ.. తదుపరి సినిమాల గురించి అడిగితే.. ఓ తమిళ ప్రాజెక్ట్ గురించి చర్చలు జరుగుతున్నాయని చెప్పుకొచ్చింది.

ప్రభాస్‌తో పెళ్లి..

క్వారంటైన్‌లో సరదాగా గడుపుతున్న నిహారిక.. ఫ్యాన్స్‌తో ముచ్చటించింది. ఈ క్రమంలోనే అనేక విషయాల గురించి మాట్లాడింది. ప్రభాస్‌తో పెళ్లి గురించి నెటిజన్స్ అడగ్గా.. అలాంటిదేమీ లేదని మరోసారి క్లారిటి ఇచ్చింది.

తాజాగా ప్రాజెక్ట్ గురించి..

నిహారిక కొణిదెల తన తదుపరి ప్రాజెక్ట్‌పై వచ్చిన వార్తల గురించి స్పందిస్తూ.. ‘అవును నిజమే.. నేను ఎంతో ఆత్రుతగా ఉన్నాను.. షూటింగ్ ఎప్పుడు ప్రారంభమవుందా? అని ఆగలేకపోతోన్నా.. నా నెక్ట్స్ ఫిల్మ్ అశోక్ సెల్వన్ ( ఓ మై కడవలే ఫేమ్)తో, స్వాతిని దర్శకురాలిగా పరిచయం అవుతోంద'ని తెలిపింది.