Click it and Unblock the Notifications
డిఫెరెంట్ కదా: ‘శంకరాభరణం’ సెట్లో నిఖిల్ (ఫొటో)
హైదరాబాద్ : వరసగా విభిన్న తరహా చేస్తూ పోతున్న నిఖిల్ తాజాగా ‘శంకరాభరణం' టైటిల్ తో మరో క్రైమ్ కామెడీ సినిమా చేస్తున్న సంగతి తెలిసిందే. కోన వెంకట్ స్క్రిప్ట్ సమకూర్చడంతో పాటు సహ నిర్మాతగానూ వ్యవహరిస్తున్న ఈ సినిమాకు సంబంధించిన షూటింగ్ ఈమధ్యే మొదలైంది. షూటింగ్ మొదలైన రోజే విడుదల చేసిన ఫస్ట్లుక్ పోస్టర్స్ విపరీతంగా ఆకట్టుకున్నాయి. ఇక షూటింగ్ గ్యాప్లో నిఖిల్ తీసుకుని ట్విట్టర్ లో పోస్ట్ చేసిన ఓ ఫోటో మంచి ఆసక్తి కలిగిస్తోంది. మీరూ ఓ లుక్కేయండి.
ఫేస్బుక్ ద్వారా లేటెస్ట్ అప్డేట్స్ ఎప్పటికప్పుడు
అమెరికా నుంచి ఇండియాకు వచ్చిన యువకుడిగా నిఖిల్ ఈ సినిమాలో కనిపించనున్నట్లు సమాచారం. , బీహార్ నేపథ్యంలో, అక్కడి వేషధారణలో ఉన్న వ్యక్తి పక్కన నిఖిల్ ఇప్పుడు హాట్ టాపిక్ గా మారాడు.
చిత్రం విషయానికి వస్తే..
బీహార్ నేపథ్యంలో సాగే మరో సరికొత్త క్రైం కామెడీ సినిమా ఇది. ఈ సినిమాకు ‘శంకరాభరణం' అనే టైటిల్ పెట్టిన రోజునుంచే అంతటా మంచి ఆసక్తి రేకెత్తింది. తెలుగులో స్టార్ రైటర్గా వెలుగొందుతున్న కోన వెంకట్ ఈ సినిమాకు స్క్రిప్ట్ సమకూర్చడంతో పాటు సహ నిర్మాతగానూ వ్యవహరించడంతో సెట్స్పైకి వెళ్ళకముందే ఈ కాంబినేషన్పై అంచనాలు ఏర్పడ్డాయి.
గత కొద్దిరోజులుగా జరుగుతున్న స్క్రిప్ట్ పనులను పూర్తి చేసిన శంకరాభరణం టీమ్ ఈ రోజే షూటింగ్ మొదలుపెట్టింది. నార్త్ ఇండియాలోని సినిమా కథకు సరిపోయే పలు లొకేషన్లను ఈ మధ్యే ఎంపిక చేశారు. ఈ మధ్యనే షూటింగ్ మొదలైంది. ఆలాగే సినిమాకు సంబంధించిన ఫస్ట్లుక్ పోస్టర్ను ఇప్పటికే విడుదల చేశారు.
క్రైమ్ కామెడీ కథతో రూపొందుతున్న ఈ చిత్రంలో నిఖిల్ సరసన నందితను హీరోయిన్గా ఖరారు చేసినట్లు కోనవెంకట్ ప్రకటించారు. అలాగే ఈ సినిమాలో అతిధి పాత్రలో తెలుగమ్మాయి అంజలి నటిస్తోందని కోన తెలిపారు. అంజలికి ‘గీతాంజలి' చిత్రంతో కోన మంచి విజయాన్ని అందించారు. ఆ మేరకే అంజలి ‘శంకరాభరణం' చిత్రంలో గెస్ట్ రోల్ వేయడానికి సిద్థపడిందని సమాచారం.
Continue with Google