మీ ప్రేమకు నేనెప్పుడూ బానిసనే.. పవన్ కళ్యాణ్‌‌కు చేతులెత్తి దండం పెట్టిన బండ్ల గణేష్

మహేష్ బాబు ఫ్యామిలీకి...

మహేష్ బాబు దీపావళి సందర్భంగా ఇండస్ట్రీలోని తన శ్రేయోభిలాషులకు గిఫ్ట్‌లను పంపాడు. అనిల్ రావిపూడి, పరశురాం వంటి వారికి బహుమతులు వెళ్లాయి. అలాగే ఈ క్రిస్మస్‌కు పవన్ కళ్యాణ్, అన్నా లెజినోవ నుంచి స్పెషల్ బహుమతులు మహేష్ ఇంటికి చేరాయి. ఇలా సర్ ప్రైజ్ ఇచ్చినందుకు థ్యాంక్స్ అంటూ నమ్రత పోస్ట్ చేసింది.

రానా అలా..

అయ్యప్పనుమ్ కోషియుమ్ రీమేక్‌లో పవన్ కళ్యాణ్‌తో పాటు నటిస్తున్న రానాకు క్రిస్మస్ గిఫ్ట్ పంపించాడు. ఈ గిఫ్ట్‌లను చూసిన రానా థ్రిల్ అయ్యాడు. ఈ మేరకు సోషల్ మీడియాలో పోస్ట్ చేస్తూ.. పవన్ కళ్యాణ్ గారు అన్నాలకు థ్యాంక్స్.. గిఫ్ట్‌లు గ్రీటింగ్ పంపించింనందుకు థ్యాంక్స్ అంటూ ఎమోషనల్ అయ్యాడు.

నితిన్ ఇలా..

పవన్ కళ్యాణ్ అభిమాని, భక్తుడు అని చెప్పుకునే నితిన్ గాల్లో తేలిపోయాడు. పవన్ కళ్యాణ్ నుంచి ఊహించని బహుమతులు రావడంతో ఉబ్బితబ్బిబైపోయాడు. ఇలా పవర్ స్టార్ పవన్ కళ్యాణ్‌ నుంచి గిఫ్ట్ రావడంతో ఈ క్రిస్మస్ ఎంతో గొప్పగా మారింది.. థ్యాంక్యూ సో మచ్ అన్నా అంటూ సంతోషాన్ని తెలియజేశాడు.

బానిసనే..

ఇక బండ్ల గణేష్ గురించి, పవన్ కళ్యాణ్ గురించి చెప్పే మాటల గురించి ఎంత వివరించినా తక్కువే అవుతుంది. పవన్ కళ్యాణ్ నుంచి ఇలా గిఫ్ట్, గ్రీటింగ్స్ రావడంతో బండ్ల గణేష్ ఆనందానికి అవధుల్లేకుండా పోయాయి. మీ ప్రేమకు నేనెప్పుడూ బానిసనే బాస్. పవన్ కళ్యాణ్ నా దేవుడు అంటూ దండంపెట్టేశాడు.