పాలిటిక్స్, పర్సనల్ విషయాలపై పవన్ కళ్యాణ్ (ఇంటర్వూ)

నాకు కోపం ఎప్పుడొస్తుందంటే...

ఈ ప్రశ్న అడిగినప్పుడు పవన్ ఓ నిముషం మౌనంగా ఉండిపోయారు. తర్వాత ఆయన మాట్లాడుతూ...నేనెప్పుడూ కోపం తెచ్చుకోను..ఆలోచనలో ఉంటూంటాను. అయితే కొన్ని సిట్యువేషన్స్ కు నేను స్పందించకపోతే నా అంతరాత్మ ఒప్పుకోదు..చంపేస్తుంది. నేను అవసరమైన మేరకు మాత్రమే హింస ను నమ్ముతాను అన్నారు.

అవసరమైన మేరకు హింస అంటే...

పవన్ నవ్వి మాట్లాడుతూ..దానికి నేను ఖచ్చితమైన సమాధానం చెప్పలేను... ఉదాహరణకు నా ఇంట్లోకి ఒక దొంగ వస్తే నేను చేతులు కట్టుకొని అతన్ని బయిటకు వెళ్లమంటే వెళ్తాడా..లేక కొట్టి వెళ్లగొట్టాలా ?'

పొలిటికల్ ఎంట్రీ

ప్రజారాజ్యం పార్టీ ,రాజకీయాల్లోకి వస్తారా అని అడిగితే... అలాగే మీరు మళ్ళీ రాజకీయాల్లోకి వస్తున్నారా అని అడిగిన ప్రశ్నకి పవన్ సమాధానమిస్తూ ‘ నేను రాజకీయాలకి దూరంగా ఉంటే కదా మళ్ళీ రాజకీయాల్లోకి రావడానికని' ఆన్నారు.

నేను ఈజీగా...

తాను ఈజీగా జనం బాధలుకు,సంఘటనలకు,విచారాలకు ప్రభావితుడ్ని అవుతానని అన్నారు. అందుకేనేమో ఆయన అడిగిన వారికి కాదనకుండా గుప్త దానాలు చేస్తూంటారు. ఆయన సినిమాల్లో కూడా ఆ ఇంటెన్షన్ కనపుడుతుంది.

తోటమాలి అవ్వాలని..

నేను ఎప్పుడూ తోటమాలి అవ్వాలని కోరుకుంటాను...నేను ఎక్కువ సేపు నా సమయాన్ని తోటలో గడపటానికి ఇష్టపడతాను అన్నారు. పవన్ కళ్యాణ్ కి ఫామ్ హౌస్ సైతం ఉంది. ఆయన షూటింగ్ లేని సమయంలో ప్రకృతిలో గడుపుతూంటారు.

నేను ఎప్పుడూ...

నేను నిరంతంరం నిజమైన పవన్ కళ్యాణ్ కోసం అన్వేషణ చేస్తూంటాను. మనం ఓ ఫేజ్ నుంచి మరో ఫేజ్ కు షిప్ట్ అవుతూంటాము..అదంతా రూప విక్రయ అంటూ వేదాంతంగా జీవిత సారాంశం చెప్పారు.

డిప్రెసెడ్ పిల్లాడిని

నేను ఒక డిప్రెసెడ్ కిడ్ ని. నేను నిశ్చలమైన జీవితాన్ని కోరుకుంటాను. నేను ఎప్పుడూ నటుడుని కావాలనుకోలేదు. పవన్ చెప్పే ఈ మాటలు ఆయన్ని దగ్గరగా పరిశీలించిన వారు చెప్తూంటారు. ఆయనకి ఇతర విషయాలపై వ్యామోహాలు తక్కువ అని.

మూడు విషయాలు...

నా మనస్సు మొత్తం మూడు విషయాలతో నిండిపోయి ఉంటుందని అవే ప్రకృతి, పిలాసఫీ మరియు సామాజిక సమస్యలు. ఇతరులుని మనమేం చేయలేం. ఆ శక్తి లేదు.. మనని మనమే మార్చుకోవాలి

అత్తారింటికి దారేది

పవన్ కళ్యాణ్ సూపర్ హిట్‘అత్తారింటికి దారేది' చిత్రం ఇప్పటికే కలెక్షన్ల పరంగా పలు రికార్డులు సృష్టించిన సంగతి తెలిసిందే. తాజాగా ఈ చిత్రం అత్యధిక థియేటర్లలో 50 రోజుల వేడుక జరుపుకుని మరో రికార్డ్ క్రియేట్ చేయబోతోంది. ఇప్పటికే ఈ చిత్రం కలెక్షన్ల పరంగా నైజాం ఏరియాలో రూ. 20 కోట్లు, సీడెడ్ రూ. 10 కోట్లు, ఓవర్సీస్ రూ. 10 కోట్ల మార్కను అధిగమించి భారీ కలెక్షన్లు రాబడుతోంది. వైజాగ్, గుంటూరు, కర్ణాటక లాంటి ఏరియాల్లో మగధీర రికార్డులను తుడిపెట్టింది. ప్రస్తుతం తెలుగు సినిమా చరిత్రలోనే అత్యధిక వసూళ్లు సాధించిన చిత్రంగా చరిత్ర సృష్టించిన అత్తారింటికి దారేది.....రూ. 100 కోట్ల వసూళ్లను అందుకునే దిశగా పరుగులు పెడుతోంది.

గబ్బర్ సింగ్ 2

పవన్ కళ్యాణ్ హీరోగా త్వరలో ‘గబ్బర్ సింగ్-2' చిత్రం తెరకెక్కబోతున్న సంగతి తెలిసిందే. డిసెంబర్ చివర్లో ఈ చిత్రం షూటింగ్ ప్రారంభం కాబోతోంది. సినిమా ఇంకా మొదలు కానప్పటికీ.....ముందస్తుగా పక్కా ప్లానింగుతో రెడీ అయ్యారు దర్శక నిర్మాతలు. దర్శకుడు సంపత్ నంది ఇప్పటికే స్క్రిప్టు వర్కు పూర్తి చేసారు. ప్రస్తుతం ఈ చిత్రం ప్రీ పొడక్షన్ పనులు జరుగుతున్నాయి. సినిమా మొదలైన తర్వాత....అంతా ప్లానింగ్ ప్రకారం, అనుకున్న రోజు అనుకున్న షెడ్యూల్ పూర్తి చేసేందుకు అన్ని ఏర్పాట్లు చేస్తున్నారు. విడుదల తేదీ విషయంలో కూడా ముందుగానే ఓ నిర్ణయానికి వచ్చారు. 2012లో వచ్చిన ‘గబ్బర్ సింగ్' చిత్రం విడుదలైన తేదీనే అంటే...మే 11, 2014న విడుదల చేసేందుకు ప్లాన్ చేసారు.