హోమ్

న్యూస్

పవన్ కల్యాణ్ కథానాయకుడుగా తమిళ దర్శకుడు విష్ణువర్ధన్ దర్శకత్వంలో రూపొందుతున్న యాక్షన్ ఎంటర్ టైనర్ (కాళి వర్కింగ్ టైటిల్) షూటింగ్ ప్రస్తుతం హైదరాబాదులోని రామోజీ ఫిలిం సిటీలో జరుగుతోంది. ప్రధాన తారాగణం పాల్గొనగా కీలక సన్నివేశాలను చిత్రీకరిస్తున్నారు. ఈ చిత్రం షూటింగు ఎక్కువ భాగం కోల్ కతా నగరంలో జరిగింది. ఆ తర్వాత తమిళనాడు, కేరళ సరిహద్దుల్లోని గ్రామాలలో కూడా జరిగింది. ఈ చిత్రం టైటిల్ (షోడో లేక కాళీ) ను సెప్టెంబర్ రెండున పవన్ కల్యాణ్ పుట్టిన రోజు సందర్భంగా ప్రకటిస్తారు. సారాజేన్, అంజనీ లావనియా హీరోయిన్లుగా నటిస్తున్న ఈ చిత్రానికి యువన్ శంకర్ రాజా సంగీతం సమకూరుస్తున్నాడు. విజయదశమికి చిత్రాన్ని విడుదల చేయడానికి సన్నాహాలు చేస్తున్నారని సమాచారం.

పవన్ కళ్యాణ్ కాళీ చిత్రాన్ని ముందుగా అనుకున్నట్లు రానున్న దసరా పర్వదినం సందర్భంగా విడుదల చేయాలనుకున్నారు. కానీ ప్రస్తుతం ఈ చిత్రాన్ని దీపావళికి విడుదల చేయాలని ఈ చిత్రం యూనిట్ భావిస్తున్నట్లు సమాచారం. ఇక కాళీ షూటింగ్ తర్వాత హరీష్ శంకర్ దర్శకత్వంలో 'గబ్బర్ సింగ్" సినిమా చేస్తోన్న పవన్ కళ్యాణ్, తర్వాత వీరుపోట్ల దర్శకత్వంలో ఒక సినిమాచేయనున్నాడు . అందుకుగాను జనవరిలో 14రీల్ ఎంటర్ టైన్ మెంట్ బ్యానర్ కి డేట్స్ ఇచ్చే అవకాశాలున్నాయి. ఇదే బ్యానర్ లో ప్రస్తు మహేష్ దూకుడు విడుదలకు శరవేగంగా సిద్దమౌతోంది.