అల్లు అర్జున్ ఇచ్చిన 'మాస్ వూర మాస్' పార్టీ..ఫొటోలు ఇవిగో

By Srikanya

Published: Wednesday, August 3, 2016, 13:13 [IST]

హైదరాబాద్‌: అల్లు అర్జున్‌ హీరోగా బోయపాటి శ్రీను దర్శకత్వంలో విడుదలైన 'సరైనోడు' చిత్రం 100 రోజులు పూర్తి చేసుకుంది. ఈ సందర్భంగా అల్లు అర్జున్ యూనిట్ మెంబర్స్ అందరికీ మాస్ వూర మాస్ పార్టీ ఇచ్చారు. ఆ ఫొటోలు మీరు ఇక్కడ చూడవచ్చు.

ఇక ఈ పార్టీ ఎక్కడ జరిగిందంటారా....రీసెంట్ గా అల్లు అర్జున్ ప్రారంభించిన పబ్ లో జరిగింది. ఈ మధ్యే బిజినెస్ లోకి అడుగుపెట్టిన ఈ మెగా హీరో, తన సొంతం పబ్ లో సన్నిహితులు, యూనిట్ సభ్యులతో కలిసి సరదాగా గడిపాడు.

అంతేకాదు బన్నీ, ఇచ్చిన ఈ పార్టీకి తన స్టైల్ లో మాస్ ఊర మాస్ పార్టీ అని పేరు పెట్టుకుని అదరకొట్టాడు. మంగళ వారం రాత్రి జరిగిన ఈ పార్టీలో దర్శకుడు బోయపాటి శ్రీను, రచయిత రాజసింహ ఇతర నటీనటులు సాంకేతిక నిపుణులు పాల్గొన్నారు. ఈ సందర్బంగా వంద రోజుల టీజర్ ని వదిలారు.

మరో ప్రక్క బోయపాటి సోషల్‌మీడియా వేదికగా ఆనందం వ్యక్తం చేశారు. '100 రోజుల సరైనోడు! మిలియన్‌ డాలర్లకు విలువచేసే సంతోషం. చిత్రాన్ని ఆదరించి, ఈ ఘనతకు కారణమైన వారందరికీ ధన్యవాదాలు' అని ట్వీట్‌ చేశారు. దీంతోపాటు అల్లు అర్జున్‌తో ఉన్న ఫొటోను పోస్ట్‌ చేశారు.

వూర మాస్ పార్టీ ఫొటోలు మీరు ఈ క్రింద చూడవచ్చు.

ఆశ్చర్యపరిచింది

స‌రైనోడు చిత్రం స్టైలిష్‌స్టార్‌ అల్లు అర్జున్, ద‌ర్శ‌కుడు బోయ‌పాటి శ్రీను కెరీర్లోనే అత్యధిక కలెక్షన్స్ ను వసూలు చేస్తూ, ట్రేడ్ వర్గాల్ని సైతం ఆశ్చర్యపరిచింది.