Pawan Kalyan పవర్ స్టార్ ఆ ధైర్యం ఇచ్చారు.. నా కుమార్తెను దీవించండి.. యాక్షన్ కింగ్ అర్జున్ భావోద్వేగం

పవన్ కల్యాణ్ రావడం చాలా ఆనందంగా

నా సినిమా ప్రారంభోత్సవానికి పవర్‌స్టార్ పవన్ కళ్యాణ్ రావడం చాలా ఆనందంగా ఉంది. సినిమా ఓపెనింగ్‌కు రావాలని ఆహ్వానించగానే.. మీరు చాలా రోజుల తర్వాత సినిమా చేస్తున్నారు. మీతోపాటు ఉంటాం అని ఆయన చెప్పడం ఆనందంగా ఉంది. ఈ సినిమాకు అండగా ఉండాలని కోరుకొన్న పవన్ కల్యాణ్‌కు నా ధన్యవాదాలు. ఈ చిత్రంలో నటులకి, టెక్నిషియన్లకు మంచి స్కోప్ వుంది. నా సక్సెస్‌ఫుల్ జీవితానికి, ఆనందానికి ప్రధాన కారణం నా భార్య. ఈ కార్యక్రమంలో నా భార్య కూడా ఈ వేడుకలో ఉండటం ఆనందంగా వుంది అని అర్జున్ సర్జా తెలిపారు.

పిచ్చి పిచ్చిగా నచ్చేసిందని..

నేను రూపొందించబోయే సినిమా ఫీల్ గుడ్ మూవీ. కథ చెప్పగానే.. పిచ్చిపిచ్చిగా నచ్చేసిందని విశ్వక్ సేన్ అన్నారు. దర్శకుడిగా ఇది 13వ సినిమా. నిర్మాతగా 15వ సినిమా. స్టార్ రైటర్ సాయి మాధవ్ బుర్రా అందించే మాటలతో ఈ సినిమా మరోస్థాయికి వెళ్తుంది. కేజీఎఫ్‌తో దేశవ్యాప్తంగా గుర్తింపు పొందిన మ్యూజిక్ డైరెక్టర్ రవి బసూర్ ఈ చిత్రానికి సంగీతం అందిస్తున్నారు. ఈ చిత్రానికి ఆయన అందించే సంగీతం మూలస్తంభం లాంటింది అని అర్జున్ ఎమోషనల్ అయ్యారు.

నా కుమార్తె ఐశ్వరను పరిచయం

తెలుగు ప్రేక్షకులు, పరిశ్రమకి నా కుమార్తె ఐశ్వర్య అర్జున్‌ను పరిచయం చేస్తున్నందుకు గర్వంగా వుంది. తను ఒక తమిళ్ సినిమా, నా దర్శకత్వంలో ఒక కన్నడ సినిమా చేసింది. ప్రస్తుతం తెలుగు సినిమా చేయనున్నది. తను అంకితభావంతో పని చేస్తుంది. మీ అంచనాలకు ఏ మాత్రం తగ్గకుండా కష్టపడి పని చేస్తుందనే నమ్మకం ఉంది అని అర్జున్ సర్జా తెలిపారు.

నా కుమార్తెను ఆదరించండి..

విశ్వక్ సేన్ హీరోగా నటిస్తున్న ఇంకా పేరు పెట్టని చిత్రం ద్వారా తన కూతురు ఐశ్వర్య అర్జున్‌ను టాలీవుడ్‌కు పరిచయం చేస్తున్నారు. దాదాపు నాలుగు దశాబ్దాలుగా నన్ను నన్ను ఆదరించారు. నా కుమార్తె ఐశ్వర్యను కూడా ఆదరించాలని కోరుకుంటున్నాను. ఒక మంచి సినిమాని తెలుగు చిత్ర పరిశ్రమకి ఇస్తాననే నమ్మకం ఉంది. త్వరలోనే టైటిల్‌ని ప్రకటిస్తాం అని అన్నారు.

నా 42 ఏళ్ల ప్రయాణంలో

తెలుగు సినీ పరిశ్రమలో నా ప్రయాణం 42 ఏళ్ళు. ఈ జర్నీలో జయాలు, అపజయాలు, బాధలు, సంతోషం అన్నీ ఈ ఇండస్ట్రీ నేర్పించింది. ఇలాంటి అద్భుతమైన పరిశ్రమకి నా కుమార్తెని పరిచయం చేస్తున్నందుకు చాలా గర్వంగా ఉంది. తపన, హార్డ్‌వర్క్, భయం ఉంటేనే ఇక్కడ నిలబడగలమని తనకు చెప్పాను అని అర్జున్ భావోద్వేగానికి గురయ్యారు.