షారుక్, సల్మాన్ కంటే ప్రభాస్ గొప్ప.. ఇండియాలో కేవలం అతడొక్కడే.. షాకింగ్ కామెంట్స్

ప్రభాస్ మాత్రమే సూపర్‌స్టార్..

బాలీవుడ్‌లో షారుక్, సల్మాన్ కంటే ప్రభాస్ అతి పెద్ద సూపర్‌స్టార్ అని సినిమాటోగ్రాఫర్ సెంథిల్ కుమార్ అనడం మీడియాను ఆశ్చర్యానికి గురిచేసింది. ఇండియాలో ఈ రోజున ప్రభాస్ అతిపెద్ద స్థార్. హిందీ పరిశ్రమలో ఏ ఖాన్‌ కంటే కూడా ప్రభాస్ సూపర్‌స్టార్. ప్రభాస్ నటించిన బాహుబలి2 దేశ చరిత్రలో రూ.1000 కోట్లు వసూలు చేసిన చిత్రంగా కానున్నది. అలాంటి సత్తా ఉన్న హీరోతో కలిసి పనిచేయడం చాలా సంతోషంగా ఉంది. సినిమా నటులందరూ గర్వంగా ఫీలయ్యే వ్యక్తి ప్రభాస్ అని సెంథిల్ అన్నారు.

ముందు గుర్తించలేకపోయాను..

షూటింగ్‌లో ఎదురైన తన అనుభవాలను సెంథిల్ పంచుకొన్నారు. బాహుబలి2 కోసం ప్రభాస్‌ను కలుసుకొన్నప్పడు ఆయనలో ఇంత పెద్ద స్టార్ ఉన్నాడని గుర్తించలేకపోయాను. ఆయనకు ఉన్న ఫ్యాన్స్ ఏ హీరోకు కూడా లేరు. నేను ఎంతో మంది సూపర్ స్టార్లతో పనిచేశాను. కానీ ప్రభాస్‌కు ఉన్న మాదిరిగా ఏ హీరోకు ఫ్యాన్స్ లేదనేది స్సష్టమైంది అని సెంథిల్ అన్నాడు.

వంద రెట్లు జనం..

ఓసారి కర్నూల్‌లో షూటింగ్ చేస్తుండగా ప్రీరిలీజ్ ఫంక్షన్ హాజరైన జనం కంటే వంద రెట్లు ఎక్కువగా వచ్చారు. దాంతో షూటింగ్ సరిగా చేయడానికి కుదర్లేదు. అప్పుడే నా భార్యకు కాల్ చేసి ప్రభాస్‌కు ఉన్న క్రేజ్ గురించి చెప్పాను అని సెంథిల్ పేర్కొన్నాడు.

అతిపెద్ద యాక్షన్ హీరో..

సెంథిల్ మాటలకు రానా మద్దతు పలికాడు. సినీ చరిత్రలో ఎన్నడూ లేని విధంగా ప్రభాస్ అతి పెద్ద యాక్షన్ హీరో అవతరించాడు. అంత క్రేజ్ ఉన్నప్పటికీ ప్రభాస్ చాలా నిగర్వి. మా ఇద్దరి మధ్య గొప్ప అనుబంధం ఉంది. బాహుబలి కంటే ముందే మూడు నాలుగు భారీ హిట్లు ఆయన కేరిర్‌లో ఉన్నాయి. కేవలం బాహుబలి కోసమే దాదాపు ఐదు సంవత్సరాలు కేటాయించడం మామూలు విషయం కాదు అని రానా అన్నాడు.

రాజమౌళికి అండగా..

బాహుబలి ప్రాజెక్ట్‌లో భాగస్వామ్యం కావడానికి ప్రధాన కారణం రాజమౌళిపై నమ్మకం. ఆయన విజన్ పూర్తిగా అప్పుడే అర్థమైంది. అందుకే ప్రభాస్ ఓ పిల్లర్ మాదిరిగా రాజమౌళి సంకల్పానికి అండగా నిలిచాడు. అందుకే బాహుబలి ఓ సంచలన చిత్రం అయింది. ఇవన్నీ చూసిన తర్వాత నా దృష్టిలో ప్రభాస్ మాత్రమే దేశంలో అతిపెద్ద సూపర్ స్టార్ అని అన్నాడు.

అడ్డుకొన్న ప్రభాస్

మీడియా సమావేశంలో రానా, సెంథిల్ ప్రశంసలు కురిపిస్తుండగా ప్రభాస్ అడ్డుకునే ప్రయత్నం చేశాడు. వాళ్లు ఏదో ఎక్సైటింగ్‌కు గురై మాట్లాడుతున్నారు. నేను అతిపెద్ద స్టార్ అని చెప్పడం ఎక్కువ అవుతుంది అని ప్రభాస్ అన్నారు.