మాకు తెలియదు: ప్రభాస్ సోదరి ఇంట్రెస్టింగ్ కామెంట్స్!

ముగ్గురు చెల్లెళ్లకు ప్రియమైన అన్నయ్య

కృష్ణం రాజుకు సాయి ప్రదీప్తి, సాయి ప్రకీర్తి, సాయి ప్రసీద అనే ముగ్గురు కుమార్తెలున్న సంగతి తెలిసిందే. వీరి కుటుబంలో ఏకైక వారసుడు ప్రభాస్. తన ముగ్గురు సిస్టర్స్‌ను ఆయన ఎంతో ప్రేమగా చూసుకుంటారట. ప్రభాస్ తమతో ఎలా ఉంటాడనే విషయాన్ని సాయి ప్రకీర్తి వెల్లడించారు.

షూటింగ్స్ లేకుంటే మాతోనే..

అన్నయ్య మాతో చాలా క్లోజ్‌గా ఉంటారు. షూటింగులు లేకుంటే ఎక్కువ సమయం మేమంతా కలిసి సరదాగా గడుపుతాం. అన్నయ్య అంటే మాకు ఎంతో గౌరవం, అన్నయ్యకు మేమంటే ఎంతో ప్రేమ. మా ఇష్టాలను ఎప్పటికప్పుడు తెలుసుకుంటూ ఏదో ఒక సర్‌ప్రైజ్ గిఫ్ట్స్ ఇస్తూ ఉంటాడు అని సాయి ప్రకీర్తి తెలిపారు.

పెళ్లి గురించి..

అందరిలాగే అన్నయ్య పెళ్లి గురించి మేము కూడా ఎప్పుడెప్పుడా అని ఎదురు చూస్తున్నాం. ప్రస్తుతం సినిమాలు చేస్తూ బిజీగా ఉన్నాడు. పెళ్లి ఎప్పుడు జరుగుతుంది? డేట్ ఎప్పుడు? అనేది మాకు కూడా తెలియదు అని సాయి ప్రకీర్తి తెలిపారు.

మనసున్న మనిషి

అన్నయ్య చాలా మంచి వ్యక్తి.... మా జీవితంలో మేము చూసిన ఫైనెస్ట్ హ్యూమన్ బీయింగ్స్‌లో అన్నయ్య ఒకరు. అలాంటి వ్యక్త మాకు బ్రదర్‌గా దొరకడం మా అదృష్టం అని సాయి ప్రకీర్తి వెల్లడించారు.

బయట అనేక రూమర్స్

ప్రభాస్ పెళ్లి గురించి బయట అనేక రూమర్స్ వినిపిస్తున్నాయి. అనుష్కను పెళ్లాడబోతున్నట్లు కూడా ఆ మధ్య పుకార్లు షికార్లు చేశాయి. అయితే ఈ వార్తలను ఇద్దరూ ఖండించారు.

ప్రభాస్ మొండితనం

వయసు 40కి దగ్గరవుతున్న పెళ్లి విషయంలో ప్రభాస్ చాలా మొండిగా ప్రవర్తిస్తున్నాడు. ఇప్పటికి కూడా పెళ్లి విషయాన్ని సీరియస్‌గా తీసుకోవడం లేదు.

ఆ ఛాన్స్ ఇవ్వడం లేదు

ఇంట్లో ఖాళీగా ఉంటే పెళ్లి పేరుతో ఇంట్లో నస పెడతారనే ఉద్దేశ్యంతో సినిమా కమిట్మెంట్లు, విదేశీ టూర్లు లాంటివి ప్లాన్ చేసుకుంటున్నాడు. ఇవేమీ లేకుంటే ముంబైలో కొత్త పరిచయం అయిన బాలీవుడ్ ఫ్రెండ్స్‌తో టైమ్ పాస్ చేస్తున్నాడట.