హోమ్

న్యూస్

మలయాళంలో విజయం సాధించిన 'బాడీగార్డ్' చిత్రంలో వెంకటేష్ హీరోగా చేస్తున్న సంగతి తెలిసిందే. డాన్ శీను దర్శకుడు గోపించద్ మలినేని దర్శకత్వంలో రూపొందుతున్న ఈ చిత్రంలో హీరోయిన్ గా ప్రియమణిని ఎంపికచేసినట్లు సమాచారం.గతంలోనూ బెల్లంకొండ సురేష్ నిర్మించిన నాడోడిగల్ రీమేక్ శంభో..శివ శంభో చిత్రంలోనూ ఆమెనే తీసుకున్నారు. ఆ తర్వాత బెల్లంకొండ సురేష్ నిర్మాతగా పూరి జగన్నాధ్ రూపొందించిన గోల్ మాల్ చిత్రంలోనూ ఆమెనే హీరోయిన్ గా తీసుకున్నాడు. ఇప్పుడూ ఈ బాడీగార్డ్ రీమేక్ లోనూ ఆమెనే తీసుకుంటున్నాడని తెలుస్తోంది.

దానకి కారణం ఆమెతో చేయటం కంఫర్ట్గ్ గా ఉంటుందని ఆయన చెప్తున్నారు. ఇక ఈ చిత్రం తెలుగు రీమేక్ చేయటం కోసం చాలా రోజులుగా తెలుగు పరిశ్రమలో చర్చలు జరుగుతున్న సంగతి తెలిసిందే. తమిళంలో మొన్న సంక్రాంతికి ఈ చిత్రం రీమేక్ కావలన్ పేరుతో విడుదలై ప్లాప్ టాక్ తెచ్చుకోవటంతో వెంకటేష్ సోదరుడు సురేష్ బాబు ఈ రీమేక్ కు తన సోదరుడుని చేయటానికి ఒప్పుకోలేదని చెప్తున్నారు. దాంతో ఈ రీమేక్ రైట్స్ ని తీసుకున్న నిర్మాత బెల్లంకొండ సురేష్ డైలమోలో పడ్డారు.

అందులోనూ బెల్లంకొండ సురేష్ నిర్మాతగా నాగవల్లి చిత్రం రీమేక్ కూడా ఫ్లాప్ కావటం కూడా ఈ రీమేక్ పై నమ్మకాలు తగ్గేలా చేసాయి. అయితే బెల్లంకొండ స్క్రిప్టు మార్పించి ప్రెష్ గా నిర్మిస్తానని హామీ ఇచ్చాకే వెంకటేష్ గ్రీన్ సిగ్నల్ ఇచ్చాడంటున్నారు. ఇక ఇప్పుడా చిత్రాన్ని సల్మాన్ ఖాన్ హీరోగా హిందీలో రీమేక్‌ చేస్తున్నారు.ఇక మళయాళంలో ఈ చిత్రాన్ని సిద్దికి దర్శకత్వంలో నయనతార,దిలీప్ కాంబినేష్ లో చేసారు.