టాయ్‌లెట్లు కడిగి పైకి వచ్చా.. బండ్ల గణేష్ తన గోతిని తానే తవ్వుకొన్నాడు.. ఎన్టీఆర్ కారణంగా.. పీవీపీ

విదేశాలకు వెళ్లాలని కసి

విజయవాడలో మాది చాలా మధ్య తరగతి కుటుంబం. 90వ దశకంలోనే విదేశాలకు వెళ్లాలనే కోరిక ఉండేది. నాకు అలా ఆస్ట్రేలియాకు వెళ్లే అవకాశం వచ్చింది. ఇంజినీరింగ్ చదివేటనప్పుడే వ్యాపారం చేస్తానంటే.. నా సహ విద్యార్థులు నవ్వుకొనే వారు. ప్రపంచాన్ని చూడాలనే కోరిక, కసి నాలో ఉండేది. అదే నన్ను పలు దేశాల్లో తిరిగే అవకాశం కల్పింది. మా ఇంట్లో ఎవరు అభ్యంతరం చెప్పలేదు. యుక్త వయసు నుంచి నేను స్వతంత్ర్యంగా బతికే ఆలోచనతో ముందుకెళ్లాను అని పీవీపీ వెల్లడించారు.

ఆస్ట్రేలియాలో టాయెలెట్లు కడిగి

1994లో ఆస్ట్రేలియాలో నేను తొలి ఉద్యోగం చేశాను. నాకు ఆఫర్ లేటర్ రావడంతో ఉద్యోగం అనుకొని ఇన్ షర్ట్ చేసుకొని వెళితే.. మహిళల టాయెలెట్లు కడిగే ఉద్యోగం ఇచ్చారు. 13 ఫోర్ల నుంచి కింది వరకు టాయెలెట్స్ క్లీన్ చేశాను. తొలి రోజు నాకు 6 గంటలకుపైగానే పట్టింది. పనిలోనుంచి తీసేస్తాని చెప్పారు. బతిమిలాడుకొని నేను ఆ ఉద్యోగాన్ని కొనసాగించాను. ఈ విషయాన్ని నా పిల్లలకు ఇప్పటికీ చెబుతాను. ఆ సమయంలో వాడిన టీషర్లులు నా ఇంట్లో ఉన్నాయి అని పీవీపీ చెప్పారు.

బండ్ల గణేష్ రుణం ఇచ్చి...

నిర్మాత బండ్ల గణేష్‌తో వివాదంపై పీవీపీ స్పందించారు. టెంపర్ సినిమా కోసం సుమారు 30 కోట్లు ఇచ్చాం. ఎన్టీఆర్ ఇచ్చిన హామీ మేరకు డబ్బులు ఇవ్వకుండానే సినిమాను రిలీజ్‌కు ఒప్పుకొన్నాం. ఆ తర్వాత డబ్బు ఇవ్వకుండా తప్పించుకు తిరుగుతున్నారు. ఓ రోజు హోటల్‌లో కలిసి నాతో తిమ్మిరి తిమ్మిరిగా మాట్లాడారు. నాతో పెట్టుకొంటే గెలువు అన్న అంటూ.. మాటలు వదిలారుు. దాంతో నాకు ఆయనకు మధ్య వివాదం పెరిగింది.

తన గోతిని తానే తవ్వుకొని..

ఎవరైనా బాకీ ఉన్నప్పుడు డబ్బులు కట్టాల్సిందే. ఆయన కాకపోతే అతడి మనవడి వద్ద నుంచి రాబడుతాను. ట్వీట్లు చేస్తే బాకీ రద్దు అయిపోతుందా? ముక్కు పిండి వసూలు చేస్తాను. అనవసరమైన పనుల చేసి ఆయన గోతిని ఆయనే తవ్వుకొన్నాడు. ఇక చట్టం పని చట్టం చేసుకొని వెళ్తుంది అని పీవీపీ ఓ ప్రశ్నకు సమాధానం ఇచ్చారు. ఈ మధ్య పీవీపీ చేసిన ఫిర్యాదుతో నిర్మాత బండ్ల గణేష్‌ను రిమాండ్‌పై జైలుకు తరలించిన సంగతి తెలిసిందే.