ఛార్మితో రిలేషన్​షిప్​పై పూరి జగన్నాథ్​.. ఆమె యంగ్​ ఏజ్​లో ఉంది కాబట్టే అంటూ..

50 ఏళ్ల మహిళ అయితే

సినీ ఇండస్ట్రీలో ఫ్రెండ్​షిప్, లవ్ అఫైర్స్​, సహజీవనం, పర్సనల్​ లైఫ్​ విషయాలపై వార్తలు, రూమర్లు రావడం సహజం. ఎప్పుడూ ఏదో ఒక పుకారు చక్కర్లు కొడుతూనే ఉంటుంది. వాటిపై దానికి సంబంధించిన వ్యక్తులు అవేవి పట్టించుకోకుండా తమ పని చూసుకుంటారు. అయితే ఆ పుకార్ల ప్రభావం ఎక్కువ ఉంటే మాత్రం వాటిలో నిజమెంత ఉందనే విషయాలపై క్లారిటీ ఇస్తారు. ఛార్మితో తన రిలేషన్​షిప్​పై తాజాగా తనదైన స్టైల్​లో జవాబిచ్చాడు డేరింగ్​ డైరెక్టర్​ పూరి జగన్నాథ్. ''ఆమె 50 ఏళ్ల మహిళ అయితే, ప్రజలు ఆ విషయం గురించి అంత పెద్దగా పట్టించుకోరు. ఆమె ఉబకాయంతో ఉన్నా, మరో వ్యక్తిని పెళ్లాడినా, ఎవరికీ ఎలాంటి బాధ ఉండదు అని అన్నారు.

ఛార్మీ యంగ్ ఏజ్‌లో ఉంది కాబట్టే

కానీ ఆమె (ఛార్మి) యంగ్​ ఏజ్​లో ఉంది కాబట్టే ఇద్దరి మధ్య ఏదో సంబంధం ఉందని ప్రజలంతా అనుకుంటున్నారు. ప్రతి జంటకు ఒక రొమాంటిక్​ యాంగిల్, లైంగిక ఆకర్షణ ఉంటుందనేది నేను నమ్ముతా. అయితే, అది చాలా త్వరగా చచ్చిపోతుంది. మనందరికి పెళ్లిళ్లు అయ్యాయి. ఆ కోరికలనేవి కొన్ని రోజులకు పోతాయని అందరికి తెలుసు.

ఛార్మీ నాకు 13 ఏళ్ల నుంచి

కేవలం ఫ్రెండ్​షిప్​ మాత్రమే కలకాలం ఉంటుంది. ఛార్మీ నాకు 13 ఏళ్ల నుంచి నాకు తెలుసు. అంటే సుమారు రెండు దశాబ్దాలుగా ఆమె గురించి తెలుసు. ఆమె ఎలా కష్టపడి పనిచేస్తుందో నాకు తెలుసు అని సమాధానమిచ్చాడు'' పూరి జగన్నాథ్​. కాగా మిక్స్​డ్​ మార్షల్ ఆర్ట్స్​ మూవీగా తెరకెక్కిన​ లైగర్ ఆగస్టు 25న ప్రపంచవ్యాప్తంగా ప్రేక్షకుల ముందుకు రానుంది.

జ్యోతిలక్ష్మీ సినిమా సమయంలో

ఇక ఇదిలా ఉంటే 15 ఏళ్లకే సినీ పరిశ్రమలోకి అడుగు పెట్టింది ఛార్మి కౌర్. రెండు దశాబ్దాల సినీ కెరీర్​లో ఛార్మి ఎన్నో సక్సెస్​, ఫెయిల్యూర్స్​ చూసింది. పూరి జగన్నాథ్​ దర్శకత్వంలో వచ్చిన జ్యోతిలక్షీ చిత్రం 2015లో విడుదలైన విషయం తెలిసిందే. ఈ సినిమాలో ఛార్మి హీరోయిన్​గా చేయడంతోపాటు నిర్మాతగా కూడా వ్యవహరించింది. అయితే ఆ మూవీ అంతగా విజయం సాధించలేదు.

ఫెయిల్యూర్స్‌తో ఆర్థికంగా ఇబ్బందులు

అనంతరం పూరి కనెక్ట్స్​ బ్యానర్​లో భాగస్వామిగా చిత్రాలు నిర్మించింది ఛార్మి. రోగ్, పైసా వసూల్, మెహబూబా వంటి సినిమాలను ఆమె నిర్మాతగా నిర్మించింది. అయితే ఇందులో పైసా వసూల్​ మినహా మిగతా చిత్రాలు వరుసగా ఫెయిల్యూర్స్​ చవిచూశాయి. దీంతో ఛార్మి ఆర్థికంగా బాగా నష్టపోయింది.

ఆస్తులు అమ్మి.. ఇస్మార్ట్ శంకర్

సినిమా పరిశ్రమలో పోయినచోటే వెతుక్కోవాలన్న లక్ష్యంతో పూరి, ఛార్మి తమ ఆస్తులు అమ్మి ఇస్మార్ట్​ శంకర్​ తెరకెక్కించినట్లు సమాచారం. 2019లో విడుదలైన ఈ చిత్రం బాక్సాఫీస్​ వద్ద భారీ విజయం సాధించింది. రామ్​ పోతినేని హీరోగా, నిధి అగర్వాల్, నభా నటేష్​ నటించిన ఈ మూవీ రూ. 75 కోట్ల వరల్డ్ వైడ్​ గ్రాస్​ రాబట్టింది.