హోమ్

న్యూస్

పూరి జగన్నాథ్ బ్రిలియంట్ డైరెక్టర్. నేను దాదాపు మర్చిపోయిన వాటిని ఈ సినిమాతో చేయించి, చాలా కాలం తర్వాత నాకు ఇంత మంచి సినిమానిచ్చిన అతనికి థాంక్స్ చెప్పుకోకుండా ఉండలేకపోతున్నా'' అంటున్నారు బిగ్ బి అమితాబ్ బచ్చన్‌. పూరి జగన్నాధ్ దర్శకత్వంలో ఆయన చేసిన 'బుడ్డా - హోగా తేరా బాప్'తో చాలా కాలం తర్వాత హిట్‌ని చవిచూడబోతున్నాననే నమ్మకం, ఆనందాన్ని ప్రకటిస్తూ ట్విట్టర్‌లో అలా రాసారు. అలాగే "మా సినిమా 'బుడ్డా - హోగా తేరా బాప్' టీజర్ ట్రైలర్‌కి వచ్చిన చక్కని స్పందనకి సంతోషంగా ఉంది.ఈ సినిమా ఫస్ట్ లుక్‌ని ఈ నెల 20న జరిగే ఐపీఎల్ మ్యాచ్ సందర్భంగా 60 సెకన్ల ట్రైలర్‌తో పాటు విడుదల చేయబోతున్నాం. భారతీయ సినీ సంగీత చరిత్రలోనే తొలిసారిగా సంగీత దర్శకులు విశాల్-శేఖర్ 'బుడ్డా' థీమ్ సాంగ్ కోసం 'డబ్ బీట్'ని ఉపయోగించారు. అదెంత బాగుందో! ఈ థీమ్ సాంగ్‌ని నేనే పాడా. ఇందులో ఆర్కెస్ట్రా సహా ప్రతి శబ్దంలోనూ నా గొంతు వినిపిస్తుంది. అలాగే విశాల్-శేఖర్ నా చేత 'హాలే దిల్' అనే మరో పాట పాడించారు. దాని బాణీలు అద్భుతం. అది మళ్లీ మళ్లీ వినాలనిపిస్తుంది అన్నారు. పూరీ జగన్నాధ్ మొత్తానికి బాలీవుడ్ లో మంచి ఎంట్రీని ఇస్తున్నట్లు ఉంది కదూ.