»   » ఎన్టీఆర్ 'రామయ్యా వస్తావయ్యా' షూటింగ్ ఆగింది

ఎన్టీఆర్ 'రామయ్యా వస్తావయ్యా' షూటింగ్ ఆగింది

Posted By:
Subscribe to Filmibeat Telugu

హైదారాబాద్ : మరోసారి ఎన్టీఆర్‌ వినోదం, యాక్షన్‌ కలగలిపిన చిత్రంతో ప్రేక్షకుల ముందుకు రాబోతున్న సంగతి తెలిసిందే. అదే 'రామయ్యా వస్తావయ్యా'. ఎన్టీఆర్‌ హీరోగా నటిస్తున్న చిత్రమిది. హరీష్‌ శంకర్‌ దర్శకుడు. దిల్‌ రాజు నిర్మాత. ఈ చిత్రం షూటింగ్ కోసం యూనిట్ మొత్తం పొల్లాచ్చి వెళ్లింది. అయితే అక్కడ వర్షాలు దెబ్బకొట్టాయి. దాంతో అక్కడ షెడ్యూల్ కాన్సిల్ చేసుకుని వెనక్కి హైదరాబాద్ వచ్చేసారు.

ఎన్టీఆర్ స్టూడెంట్ గా కనిపించనున్న ఈ చిత్రంలో సమంత హీరోయిన్. శ్రుతిహాసన్‌ ప్రత్యేక పాత్రలో కనిపించనుంది. 'బుడ్డోడు బుడ్డోడు అంటే గుడ్డలూడదీసి కొడతా..నన్ను అలా పిలవాలంటే ఓ అర్హత వుండాలి. లేదా నా అభిమాని అయివుండాలి...అంటూ టీజర్‌లో ఎన్టీఆర్ చెప్పిన డైలాగ్‌తో ఇప్పటికే ఈ సినిమాపై భారీ అంచనాలు ఏర్పడ్డాయి. ఆ అంచనాలకు ఏ మాత్రం తగ్గకుండా సినిమా వుంటుందని నిర్మాత హామీ ఇస్తున్నారు.

నిర్మాత దిల్‌ రాజు మాట్లాడుతూ ''బృందావనంలో ఎన్టీఆర్‌ని సరికొత్తగా చూపించాం. ఇప్పుడు మరోసారి ఎన్టీఆర్‌ని వైవిధ్యభరితమైన పాత్రలో ఆవిష్కరించబోతున్నాం. ఆయన అభిమానులు ఏం కోరుకొంటున్నారో అవన్నీ ఈ కథలో మేళవించాం. ఎన్టీఆర్‌, సమంతలపై తెరకెక్కించిన సన్నివేశాలు వినోదాన్ని పంచుతాయి''అన్నారు.

ఎన్టీఆర్ సెంటిమెంట్‌గా భావించే సెప్టెంబర్ 17న ఈ సినిమాను విడుదల చేయాలని నిర్మాత దిల్‌రాజు ప్లాన్ చేస్తున్నారు. ఇందులో ఎన్టీఆర్ విద్యార్థి నాయకుడిగా కనిపించనున్నారని సమాచారం. ఈ చిత్రానికి సంగీతం: ఎస్.ఎస్. తమన్, ఛాయాక్షిగహణం: చోటా కె. నాయుడు, ఎడిటింగ్: అవినాష్ సైలా, స్క్రీన్‌ప్లే: రమేష్‌డ్డి, వేగేశ్న సతీష్.

English summary

 NTR's Ramaiya Vastavaiya in the direction of Harish Shankar is supposed to be shot in the beautiful locales of Pollachi and the unit members have even headed to the location. However, the Pollachi shoot schedule of the film has been cancelled due to the poor weather conditions and the makers have returned to Hyderabad.
Please Wait while comments are loading...
 

తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu