రాజమౌళి, కంగనా, అమితాబ్,ఐష్, కల్కి ఇంకా...నేషనల్ అవార్డ్ పంక్షన్ లో (ఫొటోలు)

By Srikanya

Updated: Wednesday, May 4, 2016, 11:09 [IST]

హైదరాబాద్: 'బాహుబలి' చిత్రానికి 63వ నేషనల్ అవార్డుల్లో బెస్ట్ ఫీచర్ ఫిల్మ్ గా అవార్డు దక్కిన సంగతి తెలిసిందే. బెస్ట్ స్పెషల్ ఎపెక్ట్స్ విభాగంలోనూ ఈ చిత్రానికి అవార్డు దక్కింది. ఈ అవార్డు ని ఢిల్లీ వచ్చి అందుకున్నారు రాజమౌళి. ఆయన తో పాటు ఆయన నిర్మాత లు ఇద్దరినీ మీరు ఈ క్రింద ఫొటోలలో గమనించవచ్చు.

ఈ అవార్డ్ ల పంక్షన్ కి అవార్డ్ లు అందుకునేందుకు బాలీవుడ్ మెగా స్టార్ అమితాబ్, కంగనా రనౌత్ వంటివారు వచ్చారు. రాష్ట్రపతి ప్రణబ్ ముఖర్జీ చేతుల మీదుగా విజ్ఞాన్ భవన్ లో ఈ వేడక జరగింది. అక్కడకి వచ్చిన ప్రముఖులంతా రాజమౌళిని పలకరించి విషెష్ తెలియచేసారు.

అమితాబ్, కంగనా మాత్రమే కాక మీరు ఈ ఫొటోల్లో అమితాబ్ కుటుంబం మొత్తం చూడవచ్చు. అలాగే బాలీవుడ్ ప్రముఖ దర్శకుడు సంజయ్ లీలా భన్సాలీ, కల్కి కొచ్చిన్, కబీర్ ఖాన్, రెమో డిసౌజా వంటివారు హాజరయ్యారు.

ప్రొడెక్షన్, సినిమా విలువలతో బాక్సాఫీస్ దగ్గర రికార్డులు బద్దలు కొట్టిన బహూబలిని ఫిల్మ్ జ్యూరీ ఉత్తమ చిత్రంగా ఎంపిక చేసింది. ఫాంటసీ విలువలను కూడా బాహుబలి అత్యద్భుతంగా తెరకెక్కించిందని జ్యూరీ సభ్యులు అభిప్రాయపడ్డారు.

మరో ప్రక్క... రాజమౌళి భన్సాలీలలో ఉత్తమ దర్శకుడు అవార్డుకు ఎవరిని ఎంపిక చేయాలనే అంశంపై జ్యూరీ మెంబర్లలో భిన్న అభిప్రాయాలు వ్యక్తం అవ్వడంతో రాజమౌళి భాన్సాలీల మధ్య నెక్ టు నెట్ పోటీ ఏర్పడిన విషయాన్ని బయట పెట్టాడు.

అదే విధంగా 'బాహుబలి' సినిమా విషయంలో జాతీయ అవార్డుల ప్యానల్ అన్యాయం చేసింది అంటూ కామెంట్స్ వస్తున్నాయి. దాదాపు 150 కోట్ల బడ్జెట్ తో 600 కోట్ల కలక్షన్స్ ను వసూలు చేసిన 'బాహుబలి' సినిమాకు ఉత్తమ చిత్రంగా అవార్డును ఇచ్చి సరిపెట్టడమే కాకుండా ఈ సినిమాలో కేవలం స్పెషల్ ఎఫెక్ట్స్ మాత్రమే బాగున్నాయి అన్న సంకేతాలు వచ్చే విధంగా ఈసినిమాకు జాతీయ స్థాయి స్పెషల్ ఎఫెక్ట్స్ విభాగంలో అవార్డు ఇచ్చారు.

ముగ్గురు జ్యూరీ సభ్యులు ఈ అవార్డులను ఎంపిక చేశారు. ఈసారి డిజిటల్ రూపంలో ఎంట్రీలు వచ్చాయి. ఫీచర్ కేటగిరీలో 29 భాషల్లో 308 సినిమాలు ఎంట్రీ వచ్చాయి. మొత్తం రెండు నెలల పాటు సెలక్షన్ ప్రక్రియ కొనసాగినట్లు సభ్యులు తెలిపారు. అవార్డులు ప్రకటించిన వాళ్లలో ఫిల్మ్ బోర్డుకు చెందిన గంగమరియన్, సంజీవ్‌దత్తా, జాన్, ధరమ్ గులాటీ, జాన్ సహాయ్, ఎస్‌ఆర్ లీలా, శ్రీకే వాసు, సతీశ్ కౌశిక్ ఉన్నారు.

స్లైడ్ షోలో అవార్డ్ సెర్మనీ ఫొటోలు మీరు చూడవచ్చు....