రాజమౌళి ‘మగధీర’కు ఈ రోజు చాలా స్పెషల్ డే

మగధీర చిత్రానికి రాజమౌళి దర్శకత్వం వహించడంతో పాటు, స్క్రిప్టు వర్కు కూడా చేసారు. ఈ చిత్రానికి రాజమౌళి తండ్రి విజయేంద్రవర్మ కథ అందించారు. ఎం రత్నం డైలాగులు రాసారు.

రామ్ చరణ్ తేజ్, కాజల్ హీరో హీరోయిన్లు. సునీల్, శ్రీహరి, దేవ్ గిల్, శరత్ బాబు, రావు రమేష్, సమీర్, సలోని అశ్వని, బ్రహ్మానందం, హేమ తదితరులు నటించారు.

మగధీర చిత్రంలో చిరంజీవి గెస్ట్ అప్పియరెన్స్ ఇచ్చారు. బంగారు కోడి పెట్ట సాంగులో ఆయన కనిపిస్తారు. ఈ సాంగులో ముమైత్ ఖాన్ నటించింది.

మగధీర చిత్రంలో కిమ్ శర్మ ‘జోర్ సే' అనే ఐటం సాంగులో నటించింది.

మగధీర షూటింగ్ 90 శాతం గుజరాత్, రాజస్థాన్, కర్నాటకలోని బదామిలో జరిగింది. కొన్ని సీన్లు రామోజీ ఫిల్మ్ సిటీలో చిత్రీకరించారు. బంగారు కోడి పెట్ట సాంగును చెన్నై పోర్టులో చిత్రీకరించారు. ‘నాకోసం నువ్వే' సాంగును స్విట్జర్లాండులో చిత్రీకరించారు. పంచదార బొమ్మ సాంగ్ గోల్కొండ కోటలో చిత్రీకరించారు.

రాజమౌళి వైఫ్ రమ రాజమౌళి కాస్టూమ్ డిజైనర్ గా పని చేసారు. కీరవాణి సంగీతం అందించగా, సెంథిల్ కుమార్ కెమెరా, కోటగిరి విద్యాధరరావు ఎడిటింగ్ విభాగాలు చూసుకున్నారు.

మగధీర చిత్రాన్ని గీతా ఆర్ట్స్ బ్యానర్ 625 డిజిటల్ యూఎఫ్ ఓ ప్రింట్లతో ప్రపంచ వ్యాప్తంగా 1250 థియేటర్లలో జులై 31, 2009లో విడుదల చేసారు.

ఈ సినిమాకు నిర్మాత రూ. 40 కోట్లు ఖర్చు పెట్టగా...రూ. 73.1 కోట్లు వచ్చాయి. అప్పట్లో తెలుగు సినిమా చరిత్రలో ఇదోరికార్డు.

మగధీర చిత్రం 302 డైరెక్ట్ సెంటర్లలో 50 రోజులు, 225 సెంటర్లలో 100 రోజులు, 5 థియేటర్లలో 720 డేస్, ఒక థయేటర్లో 1001 రోజులు ఆడింది.

తమిళ వెర్షన్లో మగధీర చిత్రం 350 థియేటర్లలో విడుదలైంది. రూ. 8 కోట్లు వసూలు చేసింది.

మళయాలంలో ధీర పేరుతో విడుదలైన ఈచిత్రం రూ. 3 కోట్లు వసూలు చేసింది.

మగధీర చిత్రానికి రెండు జాతీయ అవార్డులు, 9 నంది అవార్డులు, ఆరు ఫిల్మ్ ఫేర్ అవార్డులు వివిధ కేటగిరీల్లో వచ్చాయి.

మగధీర చిత్రాన్ని డివిడి వెర్షన్లో కూడా విడుదల చేసారు. డివిడి వెర్షన్ కూడా భారీ ఎత్తున అమ్ముడయింది.

మగధీర చిత్రానికి శాటిలైట్ రైట్స్, మ్యూజిక్ రైట్స్, హోం మీడియా రైట్స్ పేరుతో భారీగా వచ్చాయి.

మగధీర చిత్రం తెలుగు సినిమా చరిత్రలో ట్రెండ్ సెట్టర్ చిత్రంగా నిలిచింది.