నిహారిక హ్యాపీ వెడ్డింగ్‌కు రాంచరణ్!

మెగా డాటర్ నిహారిక, ఎంఎస్ రాజు తనయుడు సుమంత్ అశ్విన్ జంటగా నటించిన హ్యాపీ వెడ్డింగ్ విడుదలకు ముస్తాబవుతున్నది. ఈ చిత్రానికి లక్ష్మణ్ కార్య దర్శకత్వం వహిస్తున్నారు. యూవీ క్రియేషన్ బ్యానర్‌, పాకెట్ సినిమా బ్యానర్‌పై రూపొందుతున్న చిత్రానికి ఫిదా ఫేం శక్తికాంత్ సంగీతం అందిస్తున్నారు.

త్వరలో రిలీజ్ కానున్న హ్యాపీ వెడ్డింగ్‌ ప్రీ రిలీజ్ ఈవెంట్‌ను జూలై 21న ఘనంగా నిర్వహించనున్నారు. ఈ వేడుకకు మెగా పవర్ స్టార్ రాంచరణ్ ముఖ్య అతిథిగా హాజరుకానున్నారు. టీజర్, ఫస్ట్‌లుక్‌తో ప్రేక్షకులను ఆకట్టుకొంటున్న ఈ ఫ్యామిలీ రొమాంటిక్ చిత్రంపై భారీ అంచనాలు నెలకొన్నాయి.