‘ఖైదీ నెం 150’ ఫంక్షన్ హోస్ట్ చేయబోయేది ఆ ఇద్దరు స్టార్సే!

హైదరాబాద్: మెగాస్టార్ చిరంజీవి క‌థానాయ‌కుడిగా న‌టిస్తున్న ఖైదీనంబ‌ర్ 150 సంక్రాంతి కానుక‌గా రిలీజ‌వుతున్న సంగ‌తి తెలిసిందే. ఇప్ప‌టికే విడుదలైన టీజ‌ర్, మేకింగ్ వీడియో స‌హా అమ్మ‌డు లెట్స్ డు కుమ్ముడు, 'సుందరి' ఆడియో సాంగ్స్ కు ప్రేక్ష‌కాభిమానుల నుంచి అద్భుత స్పంద‌న వ‌చ్చింది.

ఆడియో వేడుక నిర్వహించక పోయినా... అంతకంటే గ్రాండ్ గా ప్రీ రిలీజ్ ఫంక్షన్ ప్లాన్ చేసారు. జ‌న‌వ‌రి 4న విజ‌య‌వాడలో ఖైదీనంబ‌ర్ 150 ప్రీరిలీజ్ ఫంక్ష‌న్ అభిమానులు, సినీప్ర‌ముఖుల మ‌ధ్య‌ గ్రాండ్‌గా జ‌ర‌గ‌నుంది. ఈ విష‌యాన్ని చిత్ర‌నిర్మాత మెగాప‌వ‌ర్‌స్టార్ రామ్‌చ‌ర‌ణ్ అధికారికంగా ప్ర‌క‌టించారు.

విజయవాడలో జరుగనున్న ఈ ఫంక్షన్‌కు మెగా హీరోలందరూ వస్తున్నారు. అయితే పవర్ స్టార్ పవన్ కళ్యాణ్ వస్తున్నారా? లేదా? అనే విషయమై క్లారిటీ లేదు. మరో ఆసక్తికర విషయం ఏమిటంటేఈ మెగా ఈవెంట్‌కు హోస్ట్‌లుగా రానా దగ్గుబాటి, నవదీప్‌ వ్యవహరించనున్నట్టు తెలుస్తోంది.

కొణిదెల ప్రొడ‌క్ష‌న్స్ కంపెనీ నిర్మిస్తున్న‌ ఈ చిత్రానికి వి.వి.వినాయ‌క్ ద‌ర్శ‌క‌త్వం వ‌హిస్తున్నారు. కాజ‌ల్ క‌థానాయిక‌గా న‌టిస్తున్నారు. ర‌త్న‌వేలు ఛాయాగ్ర‌హ‌ణం, దేవీశ్రీ ప్ర‌సాద్ సంగీతం అందించారు. ఈ చిత్రంలో బాలీవుడ్ న‌టుడు త‌రుణ్ అరోరా విల‌న్ పాత్ర‌లో న‌టిస్తున్నారు.