జిరాక్స్ కాపీలా ఉన్నాడు: సంజయ్ దత్ బయోపిక్ లో రణబీర్ లుక్ లీక్ (ఫోటోస్)

రణబీర్ కపూర్

ఈ చిత్రంలో సంజయ్ దత్ పాత్రలో రణబీర్ కపూర్ నటిస్తున్నాడు. తాజాగా విడుదలైన ఫోటోల్లో రణబీర్ కపూర్ సంజయ్ దత్ కు జిరాక్స్ కాపీలా ఉండటం చూసి అంతా ఆశ్చర్య పోతున్నారు.

అన్ని వివాదాలు ఉంటాయా?

సంజయ్ దత్ పుట్టుక దగ్గర నుండి, అండర్ వరల్డ్ డాన్ దావూద్ ఇబ్రహీంతో స్నేహం, అతడి వల్ల అక్రమ ఆయుధాల కేసులో ఇరుక్కోవడం...హీరోయిన్లతో ఎఫైర్లు ఇలా సంజయ్ దత్ జీవితంలోని అన్ని వివాదాలు ఈ సినిమాలో చూపించబోతున్నారు.

సత్తా ఉన్న దర్శకుడే

సంజయ్ దత్ తో మున్నా భాయ్ ఎంబీబీఎస్, లగేరహో మున్నా భాయ్ సినిమాలతో పాటు 3 ఇడియట్స్, పెకె లాంటి బ్లాక్ బస్టర్ సినిమాలను తెరకెక్కించిన రాజ్ కుమార్ హిరానీ దర్శకత్వంలో ఈ సినిమా తెరకెక్కుతోంది.

రణబీర్ హార్డ్ వర్క్

తాను తీస్తున్న సంజయ్ దత్ బయోపిక్ కోసం రణబీర్ కపూర్ చాలా హార్డ్ వర్క్ చేస్తున్నాడని, రేపు సినిమా రిలీజైన తర్వాత తెరపై మనకు రణబీర్ కనిపించడు... సంజయ్ దత్ కనిపిస్తాడు, అంత అద్భుతంగా రణబీర్ చేస్తున్నాడని రాజ్ కుమార్ హిరానీ ఇటీవల ఓ అవార్డు ఫంక్షన్లో ప్రశంసలు గుప్పించారు.

వారి పాత్రలు కూడా ఇందులో...

ఈ చిత్రంలో సంజయ్ దత్ తండ్రి సునీల్ దత్ పాత్రలో పరేష్ రావల్ నటిస్తుండగా..... నర్గీస్ పాత్రలో మనీషా కొయిరాలా, మాన్యతా దత్ పాత్రలో దియా మీర్జా, టీనా మునిమ్ పాత్రలో సోనమ్ కపూర్, మాధురి దీక్షిత్ పాత్రలో కరిష్మా తన్నా నటిస్తున్నారు.

రిలీజ్ ఎప్పుడు?

రాజ్ కుమార్ హిరానీ ఫిల్మ్స్, విదు వినోద్ చోప్రా సంయుక్తంగా నిర్మిస్తున్న ఈ చిత్రం రిలీజ్ డేట్ ఇంకా ఖరారు కాలేదు. ఈ ఏడాది చివర్లో లేదా... 2018లో ఈ సినిమా విడుదలయ్యే అవకావం ఉంది.