దెయ్యం ఎక్కడ ఉందో చెప్పగలరా? మళ్లీ భయపెట్టనున్న రవిబాబు

నటుడి నుంచి దర్శకుడిగా..

విలన్ రోల్స్ నుంచి కామెడీ పాత్రల వరకు తన నటనతో మెప్పించ్చాడు రవి‌బాబు. అల్లరి చిత్రంతో దర్శకుడిగా మారి ఎన్నో విభిన్న చిత్రాలను తెరకెక్కించాడు. ప్రేమ, హాస్యం, హారర్, థ్రిల్లర్, సైకో థ్రిల్లర్ మూవీలను తీసి అందర్నీ మెప్పించాడు. అమ్మాయిలు.. అబ్బాయిలు, సోగ్గాడు, నచ్చావులే, మనసారా, అనసూయ, అమరావతి, నువ్విలా, అవును, అవును2 ఇలా ఎన్నో హిట్ చిత్రాలను తీసి మంచి పేరు సంపాదించుకున్నాడు.

రీసెంట్‌గా పందితో సినిమా..

తాను ఏది చేసినా ప్రత్యేకంగా ఉండేలా చూసుకునే రవి బాబు.. పందితో సినిమా తీసి అందర్నీ ఆశ్చర్యపరిచాడు. అయితే పందితో సినిమా తీసేందుకు చాలా కష్టపడ్డట్టు తెలిపాడు. అదుగో అంటూ చిత్రీకరించిన ఈ సినిమా బాక్సాఫీస్ వద్ద అంతగా విజయం సాధించలేకపోయింది. దీంతో మళ్లీ తనకు కలిసొచ్చిన హారర్ జానర్ ను ఎంచుకున్నాడు.

టైటిల్ తోనే ఆసక్తి రేపి..

రవి బాబు పెట్టే టైటిల్స్ అన్నీ షార్ట్ అండ్ స్వీట్ గానే ఉంటాయి. అంతేకాకుండా ఆసక్తి రేపే విదంగానూ ఉంటాయి. తాజాగా ఆవిరి అంటూ ప్రేక్షకులను భయపెట్టేందుకు వస్తున్నాుడ. కాసేపటి క్రితమే టీజర్ ను విడుదల చేశారు. ఓ ఇంట్లో.. రాజ్ కుమార్ రావు అతని కుటుంబం.. వారితో పాటు ఓ ఆత్మ కూడా నివసిస్తుందంటా.. అయితే మీరు ఆ ఆత్మకు కనుక్కోగలరా? అంటూ చాలెంజ్ విసిరాడు..

దిల్ రాజు నిర్మాతగా

ప్రముఖ నిర్మాత దిల్ రాజు నిర్మిస్తున్న ఆవిరి మూవీని త్వరలోనే విడుదల చేయనున్నారు. అయితే గత కొద్దికాలంగా వరుస ఫ్లాపులతో సతమతమవుతున్న రవిబాబు ఈ సినిమాతో సక్సెస్ సాధించే పనిలో పడ్డారు. ఈ సినిమాతోనైనా మళ్లీ పునర్‌ వైభవాన్ని అందుకొంటాడా లేదా అనే విషయాన్ని వేచి చూడాల్సిందే.