షాకింగ్: రేణు దేశాయ్ ఒక డిస్క్రిమినేటెడ్ చైల్డ్, అందుకే చంపలేదు!

నిజమే నేను డిస్క్రిమినేటెడ్ చైల్డ్

ప్రేమ ఇంటర్వ్యూలో ఓ ప్రశ్నకు రేణు దేశాయ్ స్పందిస్తూ.... నిజమే నేను డిస్క్రిమినేటెడ్ చైల్డ్. నేను ఆడపిల్లగా పుట్టానని మా ఇంట్లో వారు చాలా బాధ పడ్డారు. నేను పుట్టిన తర్వాత మా నాన్న నన్ను చూడటానికి మూడు రోజుల వరకు ఆసుపత్రికి రాలేదు అని రేణు దేశాయ్ తెలిపారు.

అబ్బాయి కావాలనుకున్నారు

1975లో మా అక్క పుట్టారు. ఆమె తర్వాత మా పేరెంట్స్ అబ్బాయి కావాలనుకున్నారు. కానీ ఆడపిల్లగా నేను పుట్టడంలో అంతా చాలా డిసప్పాయింట్ అయ్యారట. మా అమ్మ నాకు 15 ఏళ్ల వయసున్నపుడు ఈ విషయాన్ని చెప్పింది అని రేణు దేశాయ్ తెలిపారు.

అందుకే చంపలేదు

అప్పట్లో ఆడపిల్లని తెలిస్తే పిండంగా ఉన్నపుడే చంపేసేవారు. అయితే మా ఫ్యామిలీ హైలీ ఎడ్యుకేటెడ్. అందుకే కాబోలు వారు నా విషయంలో ఆ తప్పు చేయలేదు అని రేణు దేశాయ్ చెప్పుకొచ్చారు.

చాలా వివక్ష

మా ఇంట్లో నేను చాలా వివక్ష ఎదుర్కొన్నాను. నా జీవితంలో జరిగింది ఎప్పటికీ మరిచిపోలేను. నా తర్వాత తమ్ముడు పుట్టాడు. అబ్బాయి అంటే ఇంట్లో దేవుడుగా చూసే వారు. వాడు ఏదైనా తప్పు చేసినా ఏమీ అనేవారు కాదు, మేము ఏదైనా చేస్తే శిక్షించేవారు, ఇదేంటని అమ్మను అడిగితే లాగి కొట్టేది. ఈ పరిస్థితులు నాపై తీవ్రమైన ప్రభావం చూపింది. టీనేజ్ లో టామ్ బాయ్ ఉండేదాన్ని అని తెలిపారు.

ఎన్టీఓ ద్వారా ఆడ పిల్లల కోసం ఏదైనా చేస్తాను

త్వరలో ఎన్టీఓ మొదలు పెట్టి ఆడ పిల్లల కోసం ఏదైనా చేయాలనే ఆలోచన ఉంది. వారి కోసం ఎలాంటి పనులు చేస్తాను అనే విషయాలు త్వరలోనే బయట పెడతాను అని రేణు దేశాయ్ అన్నారు.