రిలీజ్‌కు ముందే ట్యూబ్‌లైట్ సంచలనం.. దంగల్ రికార్డు బ్రేక్.. బాహుబలి2 అధిగమించే..

ఇండో, చైనా వార్

ట్యూబ్‌లైట్ చిత్రం చారిత్రక కథా నేపథ్యంగా రూపొందుతున్నది. 1962లో జరిగిన ఇండో, చైనా వార్ బ్యాక్‌డ్రాప్‌తో ఈ సినిమాను తెరకెక్కించారు. ఈ చిత్రంలో చైనా నటి జు జు నటిస్తున్నది. ఈ చిత్రం రంజాన్‌ను పురస్కరించుకొని ఆగస్టులో విడుదలకు సిద్ధమవుతున్నది.

రూ.130 కోట్ల బిజినెస్..

ఈ చిత్రానికి సంబంధించిన దేశవ్యాప్త పంపిణీ హక్కులను ఎన్‌హెచ్ స్టూడియోస్‌ సంస్థ రూ.130 కోట్లు చెల్లించి దక్కించుకొన్నట్టు వార్తలు వెల్లవడుతున్నాయి. గుజరాత్, రాజస్థాన్‌లో రికార్డు ధర చెల్లించినట్టు తెలుస్తున్నది. ఈ మొత్తం దంగల్ చిత్రానికి మినిమమ్ గ్యారెంట్ (ఎంజీ) కంటే ఎక్కువ అని ట్రేడ్ అనలిస్టులు పేర్కొంటున్నారు. విడుదలకు ముందే భారీ మొత్తాన్ని దక్కించుకోవడంతో ఈ చిత్రంపై భారీ అంచనాలు నెలకొన్నాయి.

పెండింగ్‌లో ఓవర్సీస్ బిజినెస్

అలాగే ఓవర్సీస్ హక్కుల విషయంలో ఇంకా బిజినెస్ జరుగలేదని, ఈ హక్కుల కోసం యష్‌రాజ్ ఫిలింస్, ఫాక్స్‌స్టార్ సంస్థలు పోటీపడుతున్నట్టు సమాచారం. ట్యూబ్‌లైట్ చిత్రం కలెక్షన్ల పరంగా బాహుబలి2, దంగల్ చిత్రాల రికార్డులను తుడిచిపెట్టగలదనే అభిప్రాయాన్ని ట్రేడ్ అనలిస్టులు వ్యక్తం చేస్తున్నారు.

షారుక్ అతిథి పాత్ర

అత్యంత ప్రతిష్ఠాత్మకంగా రూపొందుతున్న ఈ చిత్రంలో బాలీవుడ్ బాద్షా షారుక్ ఖాన్ అతిధి పాత్రను పోషిస్తున్నాడు. 1990 తర్వాత సల్మాన్, షారుక్ కలిసి నటించడం ఇదే తొలిసారి. షారుక్ అతిథి పాత్రకు సంబంధించిన వార్తను స్వయంగా కబీర్ ఖాన్ ట్వీట్ చేయడం గమనార్హం.