హ్యాట్సాఫ్ సమంతా....! ఆ చిన్నారి జీవితం లో వెలుగు నింపింది

ఫౌండేషన్ స్థాపించి

ప్రత్యూష ఫౌండేషన్ పేరుతో ఓ స్వచ్ఛంద సంస్థను ఏర్పాటు చేయడమే కాకుండా ఆ సంస్థ తరపున అభాగ్యులైన చిన్నారుల జీవితాల్లో వెలుగులు నింపుతోంది సమంత.

కృత్రిమ కాలు

ఓ ప్రమాదంలో కాలు కోల్పోయిన చిన్నారికి మళ్లీ నడిచే భాగ్యం కల్పించింది సమంత. ప్రత్యూష ఫౌండేషన్‌ ద్వారా భవాని అనే ఐదేళ్ల చిన్నారికి కృత్రిమ కాలు అమర్చారు.

మ్యాక్స్ కూర్ హాస్పిటల్

రీసెంట్ గా హైదరాబాద్ లోని మ్యాక్స్ కూర్ హాస్పిటల్లో ఉన్న భవాని ని కలిసిన సమంతా ఆమె కోసం కృత్రిమ కాలు అమర్చటానికి అన్ని ఏర్పాట్లూ చేయించేసింది.

డాక్టర్ మంజుల

మ్యాక్స్ క్యూర్ హాస్పిటల్లో ఈ శస్త్ర చికత్సను విజయవంతంగా పూర్తి చేశారు.డాక్టర్ మంజుల ఈ ఆపరేషన్లో పాల్గొని ఈ శస్త్ర చికిత్సను పూర్తి చేసినట్లు వార్తలు వస్తున్నాయి.

ఉచితంగాఅనేక ఆపరేషన్స్

డాక్టర్ మంజుల స్వతహాగా కూడా గొప్ప మానవతావాదిగా పేరు తెచ్చుకున్నారు. ఈమె అనేక ఆపరేషన్స్ ను ఉచితంగా నిర్వహించిన సందర్భాలు అనేకం ఉన్నాయి.

మొదటి సారి కాదు

సమంతా ఇలా చేయటం ఇదే మొదటి సారి కాదు గత కొన్నేళ్ళుగా కొన్ని కోట్ల రూపాయలని సొంతంగానూ మరికొన్నిటిని విరాళాల రూపం లోనూ వాడుకుంటూ ఎందరికో సహాయం చేస్తోంది.

విదేశాల్లో

ఈ సంస్థ కోసం విదేశాల్లో స్టేజ్ షోలు చేయటానికీ సిద్దపడింది. ఈ స్టేజ్ షోలలో వచ్చే ఒక్క రూపాయి కూడా తనకోసం కాదు. ప్రత్యూష ఫౌండేషన్ కోసమే.

నాగచైతన్య

ఈ మంచి పనులన్నీ చూసాక అయినా ఆమె తమ ఇంటి కోడలు కాబోతున్నందుకు సంతోషంగానే ఫీలౌతున్నడేమో... ఇక నాగచైతన్య సంగతి వేరే చెప్పాలా

హ్యాట్సాఫ్‌ సమంతా

వందల కోట్లు సంపాదిస్తే మాత్రం ఏం ప్రయోజనం. ఇలా సంపాదనలో కొంత భాగం అభాగ్యుల కోసం ఖర్చు చేయడంలో ఉన్నసంతృప్తి ఏంటో సమంతకే తెలుసు. ఆమె గొప్ప మనసుకు మరోసారి హ్యాట్సాఫ్‌ చెబుదాం.