‘మహానటి’ ఆడియో వేడుకలో భావోద్వేగంతో ఏడ్చేసిన సావిత్రి కొడుకు!

Recommended Video

Mahanati Audio Launch:savitri Family Emotional speech

ఇదేదో ట్రాజెడీ స్టోరీలా ఉంటుంద‌ని భ‌య‌ప‌డ్డాను

ఈ సందర్భంగా సావిత్రి కుమారుడు సతీష్ మాట్లాడుతూ.... ఈ బ‌యోపిక్ చేస్తున్నార‌ని తెలియ‌గానే నేను ఇదేదో ట్రాజెడీ స్టోరీలా ఉంటుంద‌ని భ‌య‌ప‌డ్డాను. నాగాశ్విన్ గారిని కథ చెప్పమని అడిగాను. ఆయన ఫోన్లో కథ చెప్పడం మొదలు పెట్టారు, ఆయన స్టోరీ విన్న తర్వాత తనలో ఉన్న భయం పోయిందని తెలిపారు.

బయోపిక్ గురించి ఇలా కూడా తీయవచ్చా? ఏడ్చేశాను...

నాగ్ అశ్విన్ కథ చెబుతుంటే నేను కొన్ని ప్రశ్నలు నేను వేయడం, ఆయన సమాధానాలు చెప్పడం జరిగింది. కథ చెబుతుంటే మనం ఊ కొట్టాలి కదా... కానీ మధ్య మధ్యలో నేను సైలెంట్ అయిపోయాను. అప్పుడప్పుడు నాగాశ్విన్ గారు... సతీష్ గారు మీరు ఉన్నారా? వినిపిస్తుందా? అని అడుగుతా ఉండేవారు. అలా నేను సైలెంట్ అయిపోవడానికి కారణం ఆయన చెబుతున్న కథ విని భావేద్వాగినికి గురి కావడమే. ఆపుడు నా కంట్లో నుండి నీళ్లు వస్తూనే ఉన్నాయి. ఒక 30 సార్లు ఏడ్చేశాను. అవి బాధతో వచ్చిన కనీళ్లు కాదు. ఇలా కూడా ఆలోచించవచ్చా? ఇలా కూడా సినిమా తీయవచ్చా? అని భావోద్వేగానికి గురయ్యాను... అని సతీష్ తెలిపారు.

అమ్మ‌నాన్న క‌థ ఏంటో అంద‌రితో పాటు చూడాల‌ని

సావిత్రి కూతురు విజయ చాముండేశ్వరి మాట్లాడుతూ..... ``ఇది చాలా ఎమోష‌న‌ల్ మూమెంట్. అమ్మ పుట్టిన‌ప్ప‌టి నుండి ఏమేం చేసింద‌నేది అందరికీ తెలిసేలా నాగాశ్విన్ సినిమా చేశారు. ఒక రోజు ఆయన షూటింగుకు తప్పకుండా రావాలని పిలిచారు. ఎందుకు? అని అడిగితే ‘మీరు పుట్టబోతున్నారు' అని చెప్పారు. ఈ సినిమాలో నేను పుట్టిన సీన్‌ను కూడా నేను చూశాను. ఇంత కంటే ఏం కావాలి. సినిమా గురించి ఇంత కంటే ఏం చెప్ప‌లేను. అమ్మ‌నాన్న క‌థ ఏంటో అంద‌రితో పాటు చూడాల‌ని ఎదురుచూస్తున్నాను.... అని విజయ చాముండేశ్వరి తెలిపారు.

సావిత్రి ఫ్యామిలీ పరిచయం

ఈ సందర్భంగా సావిత్ర ఫ్యామిలీ మొత్తాన్ని ప్రేక్షకులకు పరిచయం చేశారు. విజయ చాముండేశ్వరి పిల్లలు, సతీష్ పిల్లలు అందరూ ఈ వేడుకకు హాజరయ్యారు.