అదిరే కాంబినేషన్: శర్వానంద్-సాయి పల్లవి... దర్శకుడు ఎవరంటే?

దర్శకుడు ఎవరంటే..?

శర్వానంద్, సాయి పల్లవి కాంబినేషన్లో తెరకెక్క నున్న ఈ చిత్రానికి ‘అందాల రాక్షసి', ‘కృష్ణగాడి వీరప్రేమగాథ',‘లై' చిత్రాలకు దర్శకత్వం వహించిన హను రాఘవపూడి దర్శకత్వం వహించనున్నారు.

రొమాంటిక్ లవ్ స్టోరీ

దర్శకుడు హను రాఘవపూడి రొమాంటిక్ అవ్ స్టోరీలు తెరకెక్కించడంలో ఎక్స్‌పర్ట్. శర్వానంద్-సాయి పల్లవి కాంబినేషన్లో తెరకెక్కించే చిత్రాన్ని వినోదాత్మక ప్రేమ కథా చిత్రంగా తెరకెక్కించేందుకు ప్లాన్ చేస్తున్నారట.

షూటింగ్ ఎప్పుడు మొదలు?

ఈ చిత్రం షూటింగ్ జనవరి 3వ వారంలో ప్లాన్ చేస్తున్నారు. ముందుకు అనుకున్న షెడ్యూల్ ప్రకారం సినిమాను పూర్తి చేసి వచ్చే వర్షాకాలం నాటికి సినిమాను రిలీజ్ చేసేందుకు ప్లాన్ చేస్తున్నారు.

నిర్మాత మాట్లాడుతూ...

నిర్మాత సుధాకర్ చెరుకూరి మాట్లాడుతూ... ముగ్గురు టాలెంటెడ్ స్టార్లతో సినిమా చేయడం ఆనందంగా ఉంది. తెలుగులో ఇదో హంచి హిల్లేరియస్ రొమాంటిక్ కామెడీ చిత్రంగా నిలుస్తుంది. జనవరి మూడో వారంలో షూటింగ్ మొదలు పెట్టి, వచ్చే వర్షాకాలం నాఠికి సినిమాను ప్రేక్షకుల ముందుకు తెచ్చేందుకు ప్లాన్ చేస్తున్నాం... అన్నారు.