For Quick Alerts
    ALLOW NOTIFICATIONS  
    For Daily Alerts

    బాలయ్య 'సింహా' గొడ్డలి మంచి రేటే పలికింది

    By Srikanya
    |

    బాలకృష్ణ "సింహా" చిత్రం సూపర్ హిట్టయిన సంగతి తెలిసిందే. అలాగే ఆ చిత్రం సెకెండాఫ్ ఫ్లాష్ బ్యాక్ లో వచ్చే డా నరసింహా పాత్ర ఉపయోగించిన గొడ్డలికి నటీనటుల సంఘం ఇటీవల వేలం పాట నిర్వహించారు. ఈ వేలంలో ఐదు లక్షల రూపాయలకు గొడ్డలిని న్యూజెర్సీకి చెందిన వెంకట్ గరికపాటి, జితేంద్ర అట్లూరిలు సొంతం చేసుకున్నారు. మంగళవారం ఆ గొడ్డలిని బాలకృష్ణ చేతుల మీదుగా అందుకున్నారు. ఈ సందర్భంగా బాలకృష్ణ మాట్లాడుతూ...సినిమాల్లో హీరోలు ఉపయోగించిన వస్తువులను వేలానికి పెట్టి, తద్వారా సమకూరిన మొత్తాన్ని పేద కళాకారులకు ఉపయోగించడం చాలా ఆనందంగా వుంది.

    అలాగే హాలీవుడ్ ‌లో ఎక్కువగా ఈ తరహా కార్యక్రమాలు నిర్వహిస్తుంటారు. ఇప్పుడు ఆ సంప్రదాయం ఇక్కడ కూడా కొనసాగించడం సంతోషంగా వుంది. డా. నరసింహా పాత్రకు తగ్గట్టుగా దర్శకుడు బోయపాటి శ్రీనివాస్ ఈ గొడ్డలిని డిజైన్ చేయించాడు. "సింహా" లాంటి చిత్రం చేయడం భగవంతుడు నాకు కల్పించిన అవకాశంగా భావిస్తున్నాను. ఈ వేలానికి అభిమానుల నుంచి విశేష స్పందన వచ్చింది. ప్రత్యక్షంగానూ, పరోక్షంగానూ అభిమానులు కూడా పేద కళాకారులను ఆదుకోవడం అభినందనీయం అన్నారు.

     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X