కరణ్ జోహార్ ‘సోటీ 2’తో శ్రీదేవి కూతురు ఎంట్రీ (ఫోటోస్)

By Bojja Kumar

Published: Wednesday, April 6, 2016, 12:43 [IST]

హైదరాబాద్: ప్రముఖ బాలీవుడ్ ఫిల్మ్ మేకర్ కరణ్ జోహార్ త్వరలో 'స్టూడెంట్ ఆఫ్ ది ఇయర్-2' సినిమా తెరకెక్కించేందుకు ప్లాన్ చేస్తున్నారు. ఈ సినిమా కోసం అభిమానులు ఆసక్తిగా ఎదురు చూస్తున్నారు. ఈ మధ్య కరణ్ జోహార్ రెగ్యులర్ గా శ్రీదేవితో మీటింగ్స్ జరుపుతున్నారట. శ్రీదేవి కూతురు ఝాన్వి కపూర్ ను ఈ సినిమా ద్వారా పరిచయం చేస్తున్నారని, అందులో భాగంగానే కరణ్ జోహార్ ఆమెను తరచూ మీట్ అవుతున్నారని టాక్.

అలియా భట్, వరుణ్ ధావన్, సిద్ధార్థ్ మల్హోత్రాలతో తెరకెక్కించిన 'స్టూడెంట్ ఆఫ్ ది ఇయర్' ఫస్ట్ పార్ట్ మంచి విజయం సాధించింది. ఈ సినిమాతో ఈ ముగ్గురు ఓవర్ నైట్ స్టార్స్ అయిపోయారు. ఇపుడు మంచి అవకాశాలతో బాలీవుడ్లో దూసుకెలుతున్నారు. స్టూడెంట్ ఆఫ్ ది ఇయర్ సెకండ్ పార్టులో ఝాన్వి కపూర్ ను పరిచయం చేయాలనేది కరణ్ జోహార్ ప్లాన్. అయితే శ్రీదేవి ఈ సినిమాకు సంబంధించిన స్క్రిప్టు విని... ఇంకా 'ఎస్' అని కానీ 'నో' అని కానీ చెప్పలేదట.

ఇటీవల ఓ ఇంటర్వ్యూలో శ్రీదేవికి తన కూతురు ఎంట్రీ గుంచిన ప్రశ్న ఎదురైంది. దానికి శ్రీదేవి సమాధానం ఇస్తూ...'నటనారంగంలోకి రావాలని కోరుకోని పిల్లలు ఎవరుంటారు? ప్రతి చైల్డ్ యాక్టర్ కావాలని కలలుకంటాడు. వారు అలా ఆశ పడటంలో తప్పేమీ లేదు. కానీ ఇది అంత సులభమైన జాబ్ కాదు. దీనికి చాలా హార్డ్ వర్క్...అంకితభావం కావాలి. వారు ఈ విషయాల్లో ఎఫర్టు పెట్టడానికి సిద్దమైతే...రావడం మంచిదే! అని సమాధానం ఇచ్చింది.

గతంలో ఝాన్వి కపూర్ పలు సినిమాల్లో నటించబోతోందంటూ వార్తలు వినిపించాయి. అయితే అవన్నీ కేవలం రూమర్స్ గానే మిగిలిపోయాయి. అయితే 'స్టూడెంట్ ఆఫ్ ది ఇయర్-2' సినిమా మాత్రం ఖాయం అయ్యేలా కనిపిస్తోంది. ఈ చిత్రంలో సైఫ్ అలీ ఖాన్-అమృత సింగ్ కూతురు సారా అలీ ఖాన్, షాహిద్ కపూర్ తమ్ముడు ఇషాన్ ఖట్టర్ కూడా నటించే అవకాశం ఉన్నట్లు తెలుస్తోంది.

షాహిద్, కరీనా, అలియా భట్ నటిస్తున్న 'ఉడ్తా పంజాబ్' చిత్రానికి ఇషాన్ అసిస్టెంట్ డైరెక్టర్ గా పని చేసాడు. ఇషాన్ డైట్, ఫిజిక్, గ్రూమింగ్ విషయంలో విషయంలో షాహిద్ చాలా కేర్ తీసుకుంటున్నాడు. షాహిద్ రికమండేషన్ తోనే అతనికి కరణ్ జోహార్ సినిమాలో అవకాశం వచ్చినట్లు తెలుస్తోంది.

స్లైడ్ షోలో శ్రీదేవి కూతురుకు సంబంధించిన అందమైన ఫోటోస్...