సాహో: ప్రభాస్‌కు సూపర్ స్టార్ హెల్ప్ అవసరం లేదా? క్లారిటీ ఇచ్చిన డైరెక్టర్

ప్రభాస్‌కు సూపర్ స్టార్ హెల్ప్ అవసరం లేదా?

సల్మాన్ ఖాన్ అతిథి పాత్ర విషయంలో మీడియాలో జరుగుతున్న ఈ ప్రచారంపై ఇప్పటి వరకు చిత్ర బృందం నోరు విప్పలేదు. అయితే కొందరు యూనిట్ సభ్యులు మాత్రం అనధికారికంగా ఈ విషయాన్ని ఖండిస్తూ వస్తున్నారు. ప్రభాస్‌కు సూపర్ స్టార్ హెల్ప్ అవసరం లేదని, బాహుబలి ద్వారా ఆయనకు వచ్చిన క్రేజ్ థియేటర్ల వైపు ప్రేక్షకులను ఆకర్షించగలదని అంటున్నారు.

ఎట్టకేకు క్లారిటీ ఇచ్చిన దర్శకుడు

‘సాహో'లో సల్మాన్ ఖాన్ అతిథి పాత్ర విషయంలో జరుగుతున్న ప్రచారంపై ఎట్టకేలకు దర్శకుడు సుజీత్ స్పందించారు. ఓ ఆంగ్ల పత్రికతో ఈ విషయమై స్పందిస్తూ.... సల్మాన్ ఖాన్ అతిథి పాత్ర చేయడం లేదని స్పష్టం చేశారు. సినిమా షూటింగ్ మొత్తం పూర్తయింది, ఇలాంటి రూమర్స్ ఎలా వచ్చాయో అర్థం కావడం లేదన్నారు.

ఇండియన్ సినిమాలో బిగ్గెస్ట్ యాక్షన్ ఫిల్మ్

ఇండియన్ సినిమా చరిత్రలోనే ‘సాహో' బిగ్గెస్ట్ యాక్షన్ ఫిల్మ్‌గా తెరకెక్కుతోంది. హాలీవుడ్ చిత్రాకు ఏ మాత్రం తీసిపోకుండా హైటెక్నికల్ వ్యాల్యూస్‌తో రూపొందుతోంది. ఇందుకోసం పలువురు హాలివుడ్ టెక్నీషియన్లను హైర్ చేసుకున్నారు. అబుదాబిలో చిత్రీకరించిన భారీ యాక్షన్ సీక్వెన్స్ సినిమాకే హైలుట్ కానుంది. బడ్జెట్ మొత్తంలో యాక్షన్ సీన్ల కోసమే రూ. 90 కోట్ల ఖర్చు చేశారట.

సాహో

ఈ చిత్రాన్ని దక్షిణాది భాషలతో పాటు హిందీలో ఆగస్టు 15న గ్రాండ్‌గా విడుదల చేసేందుకు ప్లాన్ చేస్తున్నారు. బాలీవుడ్ మార్కెట్‌ను దృష్టిలో ఉంచుకుని శ్రద్ధా కపూర్‌ను హీరోయిన్‌గా సెలక్ట్ చేయడంతో పాటు జాకీ ష్రాఫ్, నీల్ నితిన్ ముఖేష్, మందిరా బేడీ, ఎవలీన్ శర్మ లాంటి హిందీ స్టార్లను ముఖ్య పాత్రలకు ఎంపిక చేశారు.