సుశాంత్ హీరోగా ‘చి ల సౌ’, దర్శకుడిగా మారిన హీరో రాహుల్ .... (ఫోటోస్)

హీరో రాహుల్ రవీంద్రన్ దర్శకుడిగా

దర్శకుడు రాహుల్ రవీంద్రన్ మాట్లాడుతూ... "ఈ సినిమా ద్వారా కొత్త సుశాంత్ ని చూస్తారు. రియ‌ల్ లైఫ్‌లో సుశాంత్ ఎలా ఉంటాడో నాకు తెలుసు. ఈ సినిమాలో త‌న‌ను అలాగే చూపిస్తున్నాను. టైటిల్ విని ఇది ట్ర‌యంగిల్ ల‌వ్‌స్టోరీ అనుకోవ‌ద్దు. సినిమా చూస్తే తెలుస్తుంది. నాకు స్టోరీ టెల్లింగ్ అంటే ఇష్టం ఉండ‌టంతో ద‌ర్శ‌కుడిగా మారాను. హీరోగా కూడా సినిమాలు చేస్తాను. ఈ సినిమా త‌ర్వాత హీరోగా ఓ సినిమా చేయ‌బోతున్నాను`` అన్నారు.

కథ బాగా నచ్చి చేస్తున్నా

హీరో సుశాంత్ మాట్లాడుతూ "కథ బాగా నచ్చి చేస్తున్న సినిమా ఇది, రాహుల్ చాలా అద్భుతంగా ఈ చిత్రం తెరకెక్కిస్తాడాని నమ్మకం ఉంది. చాలా గ్యాప్ తరువాత మంచి లవ్ స్టొరీ తో ప్రేక్షకుల ముందుకు రావడం ఆనందంగా ఉంది`` అన్నారు..

సినిమా అంటే ఉన్న ప్యాష‌న్‌ ఉంది

నిర్మాత‌ల్లో ఒక‌రైన భ‌ర‌త్‌కుమార్ మ‌ల‌శాల మాట్లాడుతూ - ``సినిమా అంటే ఉన్న ప్యాష‌న్‌తో ఈ రంగంలోకి అడుగుపెట్టాం. జ‌శ్వంత్ చెప్పిన ఈ ల‌వ్‌స్టోరీ బావుంది. కొత్త‌గా ఉండ‌టంతో సినిమా చేయాల‌ని నిర్ణ‌యించుకున్నాం. రాహుల్‌గారి మీద నమ్మకం ఉంది, సుశాంత్‌గారితో సినిమా చేయడం ఆనందంగా ఉంది`` అన్నారు.

టెక్నీషియన్స్

ఈ చిత్రానికి నిర్మాతలు: భరత్ కుమార్ మలశాల, హరి పులిజల, జస్వంత్ నాడిపల్లి, కెమెరామెన్: ఎం.సుకుమార్, సంగీతం: ప్రశాంత్ విహారి, ఎడిటర్: చోట కె ప్రసాద్, ఎగ్జిక్యూటీవ్ ప్రొడ్యూసర్: హరీష్ కోయిల గుండ్ల, ఆర్ట్ డైరెక్టర్: వినోద్ వర్మ, చీప్ కో డైరెక్టర్: డి. సాయి కృష్ణ, ప్రొడక్షన్ కంట్రోలర్: రవికుమార్ యండమూరి.