ఎంతో ఎత్తుకు ఎదగాల్సిన వాడు.. ఆత్మహత్య పరిష్కారం కాదు.. సుశీల్ మ‌ృతిపై సెలెబ్రిటీల రియాక్షన్

సుశీల్ ఆత్మహత్య..

కన్నడ బుల్లితెర స్టార్ సుశీల్ మాండ్యలోని తన నివాసంలో ఆత్మహత్యకు పాల్పడ్డాడు.అయితే ఇంత వరకు ఆయన ఆత్మహత్యకు గల కారణాలు బయటకు రాలేదు. ఆయన మరణ వార్తను తెలుసుకున్న తోటీ నటీనటులు సోషల్ మీడియా వేదికగా స్పందించారు.

దునియా విజయ్ స్పందిస్తూ..

సాలాగా చిత్ర దర్శకుడు, హీరో దునియా విజయ్ స్పందిస్తూ.. ‘ఓ మంచి హీరో అయ్యే లక్షణాలన్నీ అతడిలో ఉన్నాయని నేను అతడ్ని చూసిన మొదటి క్షణంలోనే అనుకున్నాను. సినిమా రిలీజ్ కాకముందే మన అందర్నీ వదిలిపెట్టి వెళ్లిపోవడం దురదృష్టకరం. ఏ సమస్యకైనా సరే ఆత్మహత్య అనేది పరిష్కారం కాదు. కరోనా కంటే ఎక్కువగా.. ఇలాంటి విపత్కర పరిస్థితుల్లో జీవితం మీదే ఎక్కువగా భయం, నమ్మకం కోల్పోవడం జరుగుతోంది. మనమంతా ధైర్యంగా నిలబడాలి.. ఇలాంటి వాటిని దాటాల'ని చెప్పుకొచ్చాడు.

అరవింద్ కౌశిక్ స్పందిస్తూ

అంతపుర ధారావాహిక దర్శకుడు అరవింద్ కౌశిక్ స్పందిస్తూ.. ఓ చెడ్డ వార్తను నేను విన్నాను. నేను దర్శకత్వం వహించిన అంతపుర అనే సీరియల్‌లో హీరోగా నటించిన సుశీల్ ఇకలేడు. ఆత్మకు శాంతి చేకూరాల'ని కోరుకున్నాడు.

KGF Chapter 2 Satellite Rights Sold for Record Price 120Cr

హీరోయిన్ అమిత రంగనాథ్

అంతపుర ధారావాహిక సీరియల్ హీరోయిన్ అమిత రంగనాథ్ స్పందిస్తూ.. ‘నా స్నేహితుల ద్వారా ఈ వార్తను విన్నాను. ఆయన లేరనే వార్తను ఇప్పటికీ నమ్మలేకపోతున్నాను. ఆయన తన శాంతాన్ని ఎప్పుడూ కోల్పోలేదు.. ఎంతో మృధుస్వభావి.. సాఫ్ట్ పర్సన్. ఇంత త్వరగా మనల్ని విడిచి పెట్టి వెళ్లడం ఎంతో బాధాకరం. వినోద రంగంలో ఎంతో సాధించగలిగే ప్రతిభ గలవాడ'ని ఎమోషనల్ అయింది.