టాలీవుడ్.. హాట్రిక్ పెయిర్స్ వీళ్లే (ఫోటో ఫీచర్)

సినిమాలు: ఏమి మాయ చేసావే, ఆటో నగర్ సూర్య (పోస్ట్ ప్రొడక్షన్ స్టేజి), మనం (షూటింగ్ లో)

నాగచైతన్య కెరిర్ లో మొదట హిట్ గా నిలిచిన చిత్రం ఏమి మాయ చేసావే. ఆ చిత్రంలో జెస్సీగా సమంత తెలుగు ప్రేక్షకులను ఓ రేంజిలో అదరకొట్టింది. ఆమెకు అదే తొలి చిత్రం. దాంతో ఆమె తెలుగులో ఓ రేంజిలో బిజీ అయ్యిపోయింది. స్టార్ హీరోలంతా ఆమె తమ సినిమాలో ఉండాలని కోరుకుంటున్నారు. అలాంటిది...నాగచైతన్య కోరుకోవటంలో వింతేముంది.

సినిమాలు : భిళ్లా, మిర్చి, బాహుబలి(షూటింగ్ లో ఉంది)

అనుష్క, ప్రభాస్ తొలి కాంబినేషన్ ...భిళ్లా లో ఆమె అందచందాలు ప్రత్యేక ఆకర్షణగా నిలిచాయి. సినిమా హిట్టైంది. దాంతో ప్రభాస్ తో ఆమెను మరోసారి మిర్చి లో జత కలిపారు. ఈ చిత్రంలోనూ వీరిద్దరు కాంబినేషన్ ప్రత్యేకంగా మాట్లాడుకునేలా నిలించింది. ఈ నేపధ్యంలో ఆమెను రాజమౌళి బాహుబలిలో తీసుకోవటానికి కారణమైంది.

సినిమాలు : సంతోషం, నేనున్నాను, బాస్ (గెస్ట్ రోల్), మనం(షూటింగ్ లో ఉంది)

ఈ వయస్సులో కూడా మన్మధుడులా వెలిగిపోతున్న నాగార్జున...సరసన శ్రియ మొదటి సారిగా దశరధ్ దర్శకత్వంలో సంతోషంలో చేసింది. ఆ చిత్రంలో ఆమె పాత్ర హైలెట్ గా నిలిచి..సినిమా సక్సెస్ లో భాగమైంది. తర్వాత వియన్ ఆదిత్య దర్శకత్వంలో వచ్చిన నేనున్నాను సైతం మ్యూజికల్ గా పెద్ద హిట్టైంది. దాంతో వీరిది..హిట్ పెయిరైంది. మరోసారి మనం అంటూ మ్యూజిక్ పంచటానికి సిద్దపడుతున్నారు.

సినిమాలు : బృందావనం, రామయ్య వస్తావయ్యా(షూటింగ్ లో),రభస(పైప్ లైన్ లో...)

సమంత చూడగానే ప్రక్కింటి అమ్మాయిలా ఉండటం ఆమెకు ప్లస్ అయ్యింది. ఎన్టీఆర్ పూర్తిగా మాస్ హీరో..అతని ప్రక్కన కూల్ లుక్ ఉన్న అమ్మాయి అయితే చూడముచ్చటగా ఉంటుందని భావించి నిర్మాతలు బృందావనంలో ఎంపిక చేసారు. దాంతో ఆ జంట వర్కవుట్ అవటంతో...రామయ్య వస్తావయ్య, రభసలో బుక్ చేసారు. ఈ సినిమాలు కూడా వర్కవుట్ అయితే మరో నాలుగైదు వచ్చినా ఆశ్చర్యం లేదు.