బిగ్‌బాస్‌లో మంచు లక్ష్మీతోపాటు మరో హాట్ హీరోయిన్..

వారం రోజుల్లో ప్రారంభమయ్యే బిగ్‌బాస్ షో కోసం 12 మంది సెలబ్రిటీలు సిద్దమవుతున్నారు. త్వరలోనే బిగ్‌బాస్‌ హౌస్‌లోకి తేజస్వి మదివాడ వెళ్లబోతున్నారనే వార్త సంచలనంగా మారింది. విశ్వసనీయ సమాచారం ప్రకారం బిగ్‌బాస్ కోసం తేజస్విని ఫైనల్ చేశారు. ఆమె జూలై 13న ముంబైకి సమీపంలోని లోనావాలాలో ఏర్పాటు చేసిన హౌస్‌లోకి వెళ్లనున్నదనే తాజా సమాచారం.

బిగ్ బాస్ నిర్వాహకులు కొద్దిరోజుల క్రితం సంప్రదించగా తేజస్విని అంగీకరించినట్టు సమాచారం. దీంతో ఆమె బుల్లితెర రంగ ప్రవేశం సిద్ధమవుతున్నది. బిగ్ బాస్ హౌస్‌లో దాదాపు ఆమె 71 రోజులు గడుపనున్నారు. దాదాపు రెండున్నర నెలలు బాహ్య ప్రపంచానికి, సినిమా పరిశ్రమకు దూరం కానున్నది. ఈ షోలో పాల్లొనేందుకు ఆమెకు భారీగా పారితోషికం ముట్టినట్టు తెలుస్తున్నది.

లైఫ్ ఈజ్ బ్యూటిఫుల్ చిత్రం ద్వారా తేజస్వి మద్దినేని తెలుగు సినీ పరిశ్రమలోకి ప్రవేశించింది. ఆ తర్వాత సీతమ వాకిట్లో సిరిమల్లె చెట్టు, హార్ట్ ఎటాక్, ఐస్ క్రీమ్, బాబు బాగా బిజీ చిత్రాల్లో హాట్ హాట్‌గా కనిపించింది.

ఇంకా బిగ్‌బాస్ కార్యక్రమంలో పాల్గొనే వారి జాబితాలో ప్రముఖ నటుడు, రచయిత పోసాని కృష్ణమురళి, సదా, స్నేహా, రంభ, మంచు లక్ష్మి తదితరుల పేర్లు ఉన్నట్టు వెల్లడించారు. ఈ తారల పేర్లు బయటకు రావడంతో బిగ్‌బాస్ తెలుగు వెర్షన్‌కు మరింత క్రేజ్ పెరిగింది.

టాలీవుడ్‌లో పోసాని కృష్ణమురళిది ప్రత్యేకమైన శైలి. మాటల రచయితగా పరిశ్రమలోకి వచ్చిన పోసాని ఆ తర్వాత నటుడిగా, దర్శకుడి, నిర్మాతగా మారారు. ప్రస్తుతం టాలీవుడ్ కమెడియన్, క్యారెక్టర్ ఆరిస్ట్‌లో పాపులర్ అనే ముద్ర ఉంది. టెలివిజన్ రంగంలో జీ చానెల్లో బతుకు జట్కా బండి అనే కార్యక్రమంలో హోస్ట్‌గా ఉన్నారు. ఎన్టీఆర్ హోస్ట్‌గా ఉన్నారనే అంశంతో ఆయన బిగ్‌బాస్‌కు పోసాని ఒకే చెప్పినట్టు సమాచారం.

బిగ్‌బాస్‌లో మరో పార్టిసిపెంట్ సినీ నటి సదా. దక్షిణాదిలో సక్సెస్ ఫుల్ చిత్రాల్లో కనిపించింది. ప్రస్తుతం ఈటీవీలో ఢీ అనే డ్యాన్స్ కార్యక్రమానికి హోస్ట్‌గా వ్యవహరిస్తున్నారు. ఇటీవల ఆమె కుదుర్చుకొన్న నాలుగు సంవత్సరాల కాంట్రాక్టు ముగిసింది. ఈ నేపథ్యంలో బిగ్ బాస్‌ కార్యక్రమంలో పాల్గొనేందుకు ఒకే చెప్పినట్టు సమాచారం.

తెలుగు చిత్రాల్లో హోమ్లీ హీరోయిన్‌గా రాణించిన స్నేహ కూడా బిగ్‌బాస్‌లో పాల్గొనున్నారు. ఆమె నటించిన చిత్రాలు దక్షిణాదిలో చాలా సక్సెస్‌గా నిలిచాయి. పలు భాషల్లో అగ్రహీరోల సరసన ఆమె నటించిన ఘనత ఉంది. స్నేహ పాల్గొనడం ద్వారా బిగ్‌బాస్‌కు మంచి క్రేజ్ వచ్చే అవకాశం ఉంది.

బిగ్‌బాస్‌లో పాల్గొనే అగ్రతారల్లో రంభ ఒకరు కావడం మరో విశేషం. యమదొంగ చిత్రంలో జూనియర్ ఎన్టీఆర్‌తో ప్రత్యేకమైన పాటలో కూడా నర్తించింది. చిరంజీవి, నాగార్జున, వెంకటేశ్ లాంటి అగ్రహీరోల సరసన నటించి మెప్పించింది. అద్భుతమైన టాలెంట్ ఉన్న సీనియర్ హీరోయిన్లలో రంభ ఒకరు. రంభ గ్లామర్ బిగ్‌బాస్‌కు అదనపు ఆకర్షణగా మారే అవకాశం ఉంది.

టాలీవుడ్‌లో స్టార్ సెలబ్రిటీ స్టేటస్ ఉన్న యాక్టర్లలో మంచు లక్ష్మి ఒకరు. సినీ నటిగా, యాంకర్‌గా తెలుగు ప్రేక్షకులకు సుపరిచితులు. బిగ్‌బాస్‌లో మంచు లక్ష్మి పాల్గొనడం ప్లస్ పాయింట్ అని చెప్పవచ్చు. మంచు లక్ష్మీతోపాటు గ్లామర్ ఉన్న స్టార్లు పాల్గొనడం ద్వారా బిగ్ బాస్ ఓ రేంజ్‌లో ఉండే అవకాశం కనిపిస్తున్నది.