చిరంజీవి-బాలకృష్ణ కిస్ & మేక్‌అప్ (పిక్చర్స్)

చిరంజీవి-బాలకృష్ణ పోటాపోటీ

సినిమా రంగంలో ఉన్నప్పటి నుండే చిరంజీవి-బాలయ్య మధ్య పోటా పోటీ వతావరణం ఉండేది. 1980 చిరంజీవి నటించిన ‘అత్తకు యముడు అమ్మాయికి మొగుడు', బాలయ్య నటించిన ‘ముద్దుల మావయ్య' చిత్రాలు పోటాపోటీగా విడుదలై 100 రోజులు పోటాపోటీగా ప్రదర్శితం అయ్యాయి.

బాక్సాఫీసు వద్ద 2 దశాబ్దాల ఫైట్

తెలుగు బాక్సాఫీసు వద్ద ఒకప్పుడు చిరంజీవి, బాలయ్య చిత్రాల మధ్య పోటీ పోటీ వాతావరణం ఉండేది. వీరి అభిమానుల మధ్య కూడా అలాంటి వాతావరణమే ఉండేది. దాదాపు 2 దశాబ్దాల పాటు ఈ పోటాపోటీ వతావరణం కొనసాగింది.

ఆధిపత్యం కోసం ఆరాటం

ఒక రకంగా చెప్పాలంటే బాలయ్య, చిరంజీవి ఇద్దరూ కూడా బాక్సాఫీసుపై ఆధిపత్యం సాధించేందుకు తమ వంతు ప్రయత్నం చేస్తుండే వారు. అయితే ఎక్కువ సార్లు చిరంజీవే పైచేయి సాధించారు.

భారీగా ఫ్యాన్ ఫాలోయింగ్

ఇటు మెగాస్టార్ చిరంజీవికి...అటు యువరత్న బాలకృష్ణ‌కి భారీ సంఖ్యలో అభిమానులు ఉన్నారు. ఈ నేపథ్యంలో వీరి సినిమాల సందర్భంగా అభిమానులు చేసే హడావుడి ఓ రేంజిలో ఉండేది. అయితే కొన్ని సందర్భాల్లో ఇరు వర్గాల అభిమానులు తగాదా పడిన సందర్భాలూ ఉన్నాయి.

వృత్తిపరంగా పోటీ...వ్యక్తిగతంగా స్నేహం

వృత్తి పరంగా చిరంజీవి, బాలకృష్ణ మధ్య ఎంత పోటాపోటీ వాతావరణం ఉన్నప్పటికీ....వారు వ్యక్తిగతంగా మాత్రం మంచి స్నేహితులుగా మెలిగేవారు. వ్యక్తి గత జీవితాన్ని వృత్తి జీవితంతో ముడి పెట్టి చూసే వారు కాదు.

రాజకీయాల్లోకి బాలయ్య

ఇప్పటి వరకు సినిమాలకు మాత్రమే పరిమితం అయిన బాలయ్య ఇకపై రాజకీయాల్లోనూ చురుకుగా పాల్గొనబోతున్నారు. పార్లమెంటు సీటుకు తాను పోటీ చేయబోనని, అసెంబ్లీకి పోటీ చేయబోతున్నట్లు బాలయ్య తెలిపారు. చంద్రబాబు నాయుడు నాయకత్వంలో తెలుగు ప్రజల కోసం కాంగ్రెస్ పార్టీకి వ్యతిరేకంగా పోరాడుతానని ప్రకటించారు.

చిరంజీవిపై విమర్శలు

ఓ సారి రాజకీయ సభలో బాలయ్య మాట్లాడుతూ....కేవలం ముఖ్యమంత్రి కావాలనే కోరికతోనే చిరంజీవి ప్రజారాజ్యం పార్టీ స్థాపించారని, ప్రజలకు సేవ చేయడానికి కాదని వ్యాఖ్యానించారు. పార్టీని నడపటం చేతగాకనే ఆయన తన పార్టీని కాంగ్రెస్‌లో విలీనం చేసారని ఆరోపించారు.

బాలయ్యవి పిల్ల చేష్టలన్న చిరంజీవి

బాలయ్య ఆరోపణలతో అసహనానికి గురైన చిరంజీవి మాట్లాడుతూ...‘బాలయ్య నా స్నేహితుడు. కానీ అతనివి పిల్ల చేష్టలు. అలాంటపుడు ఆయన చేసే వ్యాఖ్యలు తాను పట్టించుకోవాల్సిన అవసరం లేదు' అని వ్యాఖ్యానించారు.

బాలయ్య కౌంటర్

తనవి పిల్ల చేష్టలన్న చిరంజీవిపై బాలయ్య మళ్లీ కౌంటర్ కామెంట్ చేసారు. నావి పిల్ల చేష్టాలా...? ఓకే. నేను చేసిన ఆరోపణల్లో నిజం లేక పోతే ఆయన కేంద్ర మంత్రి పదవి కోసం లాబీయింగ్ ఎందుకు చేసారు? అని ప్రశించారు.

బాలయ్య నట జీవితానికి స్వస్తి

పూర్తిగా రాజకీయాల్లోకి వెళ్లాలనే ఆలోచనలో ఉన్న బాలకృష్ణ సినిమాలను తగ్గించారు. క్రమ క్రమంగా ఆయన పూర్తిగా సినిమా రంగానికి దూరం అవుతారని ఆయన సన్నిహితులు అంటున్నారు.

ఇక రాజకీయ ప్రత్యర్థులుగా మారుతారా?

చిరంజీవి ఇప్పటికే పూర్తిగా రాజకీయాలకు పరిమితం అయ్యారు. బాలయ్య కూడా పూర్తిగా రాజకీయాల్లోకి వెళ్లాలనుకుంటున్నారు. ఈ నేపథ్యంలో ఒకప్పుడు సినిమాల్లో పోటాపోటీగా ఉన్న ఈ ఇద్దరు ఇక రాజకీయ ప్రత్యర్థులుగా మారబోతున్నారని అంటున్నారు.