ఇట్లు మీ సి. జోసెఫ్ విజయ్: మెర్సల్ పై విజయ్ కృతజ్ఞత లేఖ

Recommended Video

Mersal/Adirindi Trailer : Record Breaking Likes

తొలి ఐదు రోజుల్లోనే

ఈ చిత్రం తొలి ఐదు రోజుల్లోనే తమిళనాడులో 84 కోట్లు వసూళ్లు చేసింది. ఇప్పటి వరకు ఉన్న 75.2కోట్ల రజనీకాంత్ కబాలి రికార్డు ఈ సినిమా బ్రేక్ చేసింది. మెర్సల్ మూవీ విజయ్ నటజీవితంలో పెద్ద హిట్ గా నిలిచింది. ఈ చిత్రం ప్రపంచ వ్యాప్తంగా ఇప్పటి వరకు మెర్సల్ 170 కోట్లకు పైగా వసూళ్లు సాధించి ఇంకా సక్సెస్ఫుల్ గా రన్ అవుతూనే ఉంది...

ఘన విజయం సాధించింది

ఎన్ని వివాదాలు చుట్టుముట్టినా మెర్సల్ చిత్రం ఘన విజయం సాధించింది. ఈ చిత్రం మొదటి వారంలో ప్రపంచవ్యాప్తంగా దాదాపు 170 కోట్లు వసూలు చేసిందని ట్రేడ్ వర్గాలు అంచనా వేస్తున్నాయి. మెర్సల్ ను బ్లాక్ బస్టర్ హిట్ చేసిన అభిమానులకు తన చిత్రానికి మద్దతుగా నిలిచిన వారికి ధన్యవాదాలు తెలుపుతూ విజయ్ ఓ బహిరంగ లేఖ రాశారు.

ప్రేక్షకులందరికీ ధన్యవాదాలు

దీపావళి పండుగని పురస్కరించుకుని విడుదలైన మెర్సల్ సినిమాని ఆదరించిన ప్రేక్షకులందరికీ ధన్యవాదాలు. మీ ఆదరణతో ఈ చిత్రం విజయవంతమైన చిత్రంగా నిలిచింది. అయితే ఎంత గొప్ప విజయం అందుకుందో, అంతే వివాదం కూడా ఈ సినిమాకి తోడైంది.

వారందరికీ నా కృతజ్ఞతలు

చిత్ర పరిశ్రమలోని పెద్దలు, నా స్నేహితులు, జాతీయ, ప్రాంతీయ పార్టీల నేతలు, మీడియా, నా అభిమానులు ఈ వివాదం విషయంలో మద్ధతుగా నిలిచారు. ఈ సినిమాకు మద్ధతు తెలిపిన వారందరికీ నా హృదయపూర్వక కృతజ్ఞతలు...''అని విజయ్ లేఖ రాశారు. ఆయన విడుదల చేసిన లేఖను ఓ అభిమాని ట్విట్టర్లో షేర్ చేశాడు. ప్రస్తుతం ఆ లెటర్ సోషల్ మీడియాలో వైరల్ అయింది.

జీసస్ సేవ్స్' అని హెడ్డింగ్

అయితే ఈ వివాదానికి కారణమైన వారి గురించి ఒక్క మాట కూడా ఈ లేఖలో తెలపలేదు విజయ్. ఇక్కడే అందరికీ అనుమానాలు వస్తున్నాయ్. 'జీసస్ సేవ్స్' అని హెడ్డింగ్ పెట్టడం, 'సి. జోసెఫ్ విజయ్' అంటూ పూర్తి పేరుని ఈ లేఖలో రాయడం చూస్తుంటేనే.. తనపై కుల విమర్శలు చేసిన బిజెపి నేతకి తగిలేలా లేఖ లిఖించాడని అందరూ అనుకోవడం విశేషం.