అందుకే అపుడు దేశం విడిచి పారిపోయాను: ఇలియానా

కొన్ని చెత్త యాడ్స్ చేశాను

15 ఏళ్ల వయసులోనే మోడల్ గా కెరీర్ ప్రారంభించాను. ఆ సమయంలో కొన్ని చెత్త యాడ్స్ కూడా చేశాను. సినిమా అవకాశాలు రావడంతో మోడలింగ్ మానేశాను. 15 సంవత్సరాల వయసున్నపుడే తెలుగులో తొలి ఆఫర్(దేవదాసు) వచ్చింది అని ఇలియానా తెలిపారు.

అందుకే ఒప్పుకున్నాను

తొలి అవకాశం వచ్చినపుడు తనకు తెలుగు బాష రాదని, యాక్టింగ్ సరిగా రాదని చెప్పానని.... అయితే వారే మ్యానేజ్ చేసుకుంటామని చెప్పారని. తొలి సినిమా షూటింగ్ అమెరికాలో అని చెప్పడంతో అమెరికా వెళ్లొచ్చనే కారణంతోనే ఒప్పుకున్నట్లు ఇలియానా తెలిపారు. ఆ తర్వాత తనకు ఇంత ఆదరణ లభిస్తుందని ఊహించలేదన్నారు.

దేశం విడిచి పారిపోయాను

తనకు తెలుగు, హిందీ భాషలు అస్సలు రావని... అందుకే సెట్స్ లో ఎక్కువగా ఇంగ్లీష్ లోనే మాట్లాడేదాన్నని ఇలియానా తెలిపారు. తన తొలి నాళ్లలో సినిమా ప్రమోషన్లలో మీడియా ప్రతినిధులు తనను హిందీలో మాట్లాడమని కోరేవారని... అప్పుడు చాలా భయమేసేదని చెప్పింది. ఆ భయంతోనే మూడు వారాల పాటు ఇండియాను వదిలి వెళ్లిపోయానని... కొన్ని రోజులు తనను ఒంటరిగా వదిలేయమని దర్శకులకు చెప్పేదాన్నని తెలిపింది.

చికిలీ చమేలీలా ఉండేదాన్ని

సౌత్‌లో, ముఖ్యంగా తెలుగులో అందరు అగ్రహీరోలతో చేశాను. మహేష్ బాబు, ఎన్టీఆర్, ప్రభాస్, పవన్ కళ్యాణ్, రవితేజ ఇలా అందరితో నటించాను. హిందీలో నా ఫస్ట్ ఫిల్మ్ బర్ఫీ. ఇది చాలా డిఫరెంట్ ఫిల్మ్. సౌత్ లో చికిలీ చమేలీలా ఉండేదాన్ని.... బాలీవుడ్లో తొలి సినిమా కోసం డీ గ్లామరస్ గా నటించాల్సి వచ్చింది అని ఇలియానా తెలిపారు.

ఇలియానా

ప్రస్తుతం ఇలియానా బాలీవుడ్లో ‘బాద్షాహో', ముబారకన్ అనే రెండు చిత్రాల్లో నటిస్తోంది. 11 సంవత్సరాల్లో ఇప్పటి వరకు 21 సిమాల్లో నటించాను. ముబారకన్ నా 22వ చిత్రమని ఇలియానా వెల్లడించారు.