RRR: ఆ మూడు టైటిల్స్ అదుర్స్.. రాజమౌళి పిలుపుకు అభిమానుల రెస్పాన్స్!

రాజమౌళి పిలుపు

ఆర్ఆర్ఆర్ కు పూర్తి అర్థాన్నిచ్చేలా మీరు సూచించిన టైటిల్ బావుంటే దానినే ఫిక్స్ చేస్తామని రాజమౌళి ప్రకటించారు. రాజమౌళి పిలుపుకు అభిమానుల నుంచి అదిరిపోయే రెస్పాన్స్ వస్తోంది. మొదట ఆర్ఆర్ఆర్ ని కేవలం వర్కింగ్ టైటిల్ గా మాత్రమే అనుకున్నామని రాజమౌళి తెలిపారు. కానీ అందరూ ఇదే చాలా బావుంది, దీనినే కొనసాగించాలని కోరారని తెలిపారు. ఆర్ఆర్ఆర్ పూర్తి టైటిల్ వివిధ భాషల్లో వివిధ రకాలుగా నిర్ణయిస్తామని రాజమౌళి తెలిపారు.

ఆ మూడు టైటిల్స్

అభిమానులు క్రియేట్ చేసిన మూడు టైటిల్స్ ప్రస్తుతం సోషల్ మీడియాలో వైరల్ అవుతున్నాయి. అందరూ ఈ టైటిల్స్ బావున్నాయని అంటున్నారు. రఘుపతి రాఘవ రాజారాం, రం రం రుథిరమ్, రౌద్ర రణ రంగం అనే టైటిల్స్ సోషల్ మీడియాలో వైరల్ అవుతున్నాయి. ఇలాంటి మంచి టైటిల్స్ ని అభిమానులు ఇంకా ఆర్ఆర్ఆర్ టీంకు పంపుతూనే ఉన్నారు. రాజమౌళి అభిమానులు పంపిన టైటిల్స్ తో సంతృప్తి చెందుతారా లేక తాము నిర్ణయించుకున్న టైటిల్సే పెడతారా అనేది వేచి చూడాలి.

RRR: మరో ఇద్దరు బాలీవుడ్ టాప్ స్టార్లతో రాజమౌళి సంప్రదింపులు?

రామ రావణ రాజ్యం

రామ రావణ రాజ్యం అనే టైటిల్ ముందు నుంచి ప్రచారంలో ఉంది. బహుశా చిత్ర యూనిట్ అనుకుంటున్న టైటిల్ ఇదేనేమో అనే చర్చ కూడా జరుగుతోంది. ఇదిలా ఉండగా ఆర్ఆర్ఆర్ చిత్రంలో రాంచరణ్ అల్లూరి సీతారామరాజుగా, ఎన్టీఆర్ కొమరం భీంగా నటించబోతున్నారు. స్వాతంత్ర సమరయోధుల కథని రాజమౌళి ఎలా తెరక్కేక్కిస్తారనే ఆసక్తి సర్వత్రా నెలకొని ఉంది.

దేశవ్యాప్తంగా

బాహుబలి తర్వాత రాజమౌళి పేరు దేశంలోనే పరిచయం అక్కర్లేనిదిగా మారిపోయింది. అలాంటి రాజమౌళి దర్శత్వంలో ఆర్ఆర్ఆర్ తెరకెక్కుతుండడంతో ఈ చిత్రం కోసం అభిమానులు భారీ అంచనాలతో ఎదురుచూస్తున్నారు. అలియా భట్, డైసీ ఎడ్గార్ జోన్స్ హీరోయిన్లుగా నటిస్తున్నారు. అజయ్ దేవగన్, సముద్రఖని కీలక పాత్రల్లో నటిస్తున్న ఈ చిత్రం 2020 జులై 30న ప్రేక్షకుల ముందుకు రానుంది. డివివి దానయ్య ఈ చిత్రాన్ని 400 కోట్ల బడ్జెట్ లో నిర్మిస్తున్నారు.